جدید ٹیکنالوجی کا ذکر جہاں آتا ہے تو ذہن میں موبائل کی
شکل طاری ہوجاتی ہے کیونکہ یہ ان ٹیکنالوجی میں سے ایک ہے جو دن بہ دن اور
جدید سے جدید ورژن میں تبدیل ہوتی جارہی ہے۔ یوں تو موبائل ایک دوسرے سے
رابطے کے استعمال کے لیے بنایا گیا تھا مگر اس میں نئے نئے فیچرز متعارف
کروائے گئے اور اب تو کمال ہی ہوگیا ۔آسٹریلیا میں یہ زندگی کا محافظ بن
گیا ۔
|
|
تفصیلات کے مطابق یہ واقعہ آسٹریلیا کے علاقے نیو ساؤتھ ویلز کے دیہی
علاقے میں اس وقت پیش آیا، جب دو افراد آپس میں کسی بات پر الجھ پڑے۔
اس جھگڑے کی وجہ سے ایک شخص جس کے ہاتھ میں تیر کمان تھا اس کی عمر 39 سال
تھی ، اس نے اپنے گھر کی دہلیز پر کھڑے 43 سالہ شخص کو نشانہ بنایا-
جھگڑے کی صورت میں ہونے والے اس حملے میں نشانہ بننے والے شخص نے حملے کی
ویڈیو بنانے کے لیے موبائل نکال کر اس کا کیمرہ کھولا ہی تھا کہ حملہ آور
نے تیر چھوڑ دیا۔ اس لمحے میں کیمرے کا کام انجام دینے والاموبائل ڈھال بن
گیا۔
حملہ آور کا تیر موبائل کو چیرتا ہوا متاثرہ شخص کی ٹھوڑی سے لگا جہاں ایک
ہلکا سا زخم لگ گیا۔ تاہم پولیس کا کہنا ہے کہ اگر موبائل نہ ہوتا تو یہ
تیر جان لیوا ثابت ہوسکتا تھا۔
پولیس نے حملہ آور کو حراست میں لے لیا ہے اور اسے جلد ہی ذاتی ملکیت کو
نقصان پہنچانے اور قاتلانہ حملہ کرنے کے جرم میں عدالت کے سامنے پیش کیا
جائے گا۔
|
|
پولیس کے مطابق اس دیہی علاقے کا نام نمبین ہے اور اسے آسٹریلیا میں چرس
کے استعمال کے حوالے سے کافی زرخیز علاقہ سمجھا جاتا ہے۔ دونوں افراد ایک
دوسرے سے ناواقف تھے اور ان کے درمیان جھگڑے کی وجہ سامنے نہیں آسکی ہے۔
لیکن اگر کہا جائے کہ ایک موبائل فون آسٹریلیا میں کسی کی زندگی کا محافظ
بن گیا تو غلط نہ ہوگا -
|