|
پاکستان میں گذشتہ ہفتے پیش آنے والے چند اہم واقعات کی
یہاں تصویری جھلکیاں پیش کی جا رہی ہیں۔
|
|
|
کراچی کے مضافات میں پاکستانی کسٹمز کی ایک رکن ملک میں غیر قانونی طور پر
لائی جانے والی الکوحل کو نذرِ آنش کیے جانے کے موقع پر اپنی سیلفی لے رہی
ہیں۔ پاکستان کوسٹ گارڈز ملک میں غیر قانونی طور پر لائے جانے والی منشیات
کو اپنے قبضے میں لے کر تلف کر دیتے ہیں۔
|
|
|
سری لنکا میں ہونے والے حملوں کے خلاف پاکستانی مسیحی برادری کے افراد پلے
کارڈز اٹھائے کراچی میں ہونے والے ایک احتجاج میں شریک ہیں۔ تازہ ترین
اطلاعات کے مطابق سری لنکا کی سیکورٹی فورسز اور خودکش حملہ آوروں کے
درمیان جھڑپ میں 15 افراد ہلاک ہو گئے ہیں جن میں چھ بچے بھی شامل ہیں۔
|
|
|
لاہور کے سفاری پارک میں ایک شیرنی نے چار بچوں کو جنم دیا۔ ان میں سے دو
کا رنگ سفید اور دو بھورے رنگ کے ہیں۔
|
|
|
کراچی کے مقامی باشندے ایک کشتی کو دیکھ رہے ہیں جس میں سندھ کے وزیرِاعلی
مراد علی شاہ کا پتلا لگایا گیا ہے۔ یہ کشتی سول سوسائٹی آرگنائزیشن ’فکس
اٹ` کے اراکین کی طرف سے رکھی گئی ہے جس کا مقصد کراچی میں رستے ہوئے گٹر
کے پانی کی طرف حکومت کی توجہ مبذول کروانا ہے۔
|
|
|
ایک مسیحی نن، اسلام آباد کے فاطمہ چرچ میں دوسرے افراد کے ساتھ سری لنکا
میں ایسٹر سنڈے حملوں کے دوران ہلاک ہونے والے افراد کی یاد میں شمعیں روشن
کر رہی ہیں۔ پاکستان کے مختلف شہروں میں مسیحی برادری نے سری لنکا حملوں
میں ہلاک ہونے والوں کے لیے دعائیہ تقریبات کا انعقاد بھی کیا۔
|
|
|
|
پولیو ویکسینیشن ٹیم کی گھر گھر مہم کے دوران ایک پولیس اہلکار حفاظت کے
لیے ان کے ساتھ شریک ہے۔ پاکستان کے صوبہ بلوچستان کے علاقے چمن کے قریب
نامعلوم افراد کی فائرنگ سے ایک خاتون پولیو ورکر ہلاک جبکہ دوسری زخمی ہو
گئی تھیں۔ ملک کے مختلف حصوں میں پولیو کے کارکنوں پر حملوں اور سکیورٹی
خطرات کے پیشِ نظر، وفاقی حکومت نے پولیو کے خلاف مہم کے بعض مراحل معطل کر
دیے ہیں۔ |
