کیا نیوزی لینڈ اور انڈیا کی شکست پاکستان کے خلاف سازش تھی؟

کرکٹ ورلڈ کپ ٹورنامنٹ میں پاکستان کی اس وقت سیمی فائنل تک رسائی تقریباً ناممکن ہوچکی ہے کیونکہ سیمی فائنل تک پہنچنے کے لیے پاکستان کو بنگلہ دیش کو رنز کے ایک بہت بڑے فرق سے شکست دینا ہوگی-
 

اگر پاکستان 350 رنز بناتا ہے تو اسے بنگلہ دیش کو 311 رنز سے ہرانا ہے۔ اگر پاکستان 400رنز اسکور کرتا ہے تو اسے 316 رنز سے کامیابی حاصل کرنا ہوگی ۔ تب ہی پاکستان کی سیمی فائنل تک رسائی ممکن ہے اور پہلے بیٹنگ کر کے اگر پاکستان 308 سے کم رنز بناتا ہے تو پھر سب بے کار ہوگا۔

یقیناً یہ ناقابلِ یقین اعداد و شمار حاصل کرنا بظاہر کسی طور پر ممکن نہیں لگتے- اگر گزشتہ روز ہونے والے میچ میں پورے ورلڈ کپ ٹورنامنٹ میں بہترین کارکردگی کا مظاہرہ کرنے والی نیوزی لینڈ کی ٹیم انگلینڈ کو شکست دے دیتی تو پاکستان کے سیمی فائنل میں آسانی سے پہنچنے کے امکانات بڑھ جاتے ہیں-
 

لیکن حیران کن طور پر ایسا نہیں ہوا اور ایک نیوزی لینڈ کی بہترین ٹیم نے بدترین کارکردگی کا مظاہرہ کیا اور میچ ہار گئی- ایسا ہی کچھ ہمیں انگلینڈ اور انڈیا کے مابین ہونے والے میچ میں دکھائی دیا-
 

Dhoni almost pulled of the chase when 64 runs required in 24 balls against RCB in IPL 2019
But CSK lost that match by just 1 run
Why he didnt try against eng when 71 required of 5 overs
He is not even playing 0.00001% when compared to IPL 2019#INDvENG #MSDhoni

— manikantavamsi (@manikantavamsi9) July 1, 2019

انڈیا بھی اس وقت تک ایک ناقابلِ شکست ٹیم تصور کیا جارہا تھا لیکن اس میچ میں عجیب صورتحال سامنے آئی اور انگلینڈ نے باآسانی انڈیا کو شکست دے دی- اس شکست کے بعد خود انڈیا کی عوام اور سینیر کھلاڑیوں یا تجزیہ کار نے اپنی ٹیم کو شدید تنقید کا نشانہ بنایا-

سب سے زیادہ تنقید دھونی پر ہوئی جن کا میدان میں رویہ ایسا تھا کہ جیسے وہ کھیلنے نہیں بلکہ صرف وقت گزارنے آئے ہیں- دھونی کی اس وقت گزاری کو بڑے بڑے اخبارات نے سنجیدگی سے لیا اور انگلینڈ کے خلاف ان کی بےکار بیٹنگ کو سمجھ سے بالاتر قرار دیا-
 

If there was any team that had the ability to stop India’s winning run. It was England. Dhoni’s approach in the last few overs however was baffling. 🤔

— Sanjay Manjrekar (@sanjaymanjrekar) June 30, 2019

کرکٹ شائقین نیوزی لینڈ اور انڈیا کی انگلینڈ کے ہاتھوں ہونے والی اس شکست کو پاکستان کے خلاف سازش قرار دیتے ہیں تاکہ پاکستان کو سیمی فائنل تک پہنچنے سے قبل ہی اس ٹورنامنٹ سے باہر کیا جاسکے-
 

کرکٹ شائقین کے نزدیک ایسی دو ٹیموں کا اتنی آسانی سے انگلینڈ سے میچ ہارنا جو پورے ٹورنامنٹ شاندار پرفارمنس کا مظاہرہ کرتی آئی ہیں بظاہر ایک ناقابلِ فہم معاملہ ہے-