سال 2020: دنیا کے چند دلچسپ اور عجیب ورلڈ ریکارڈز

گنیز بک آف ورلڈ ریکارڈ ایک ایسے گھر کا نام ہے جس کے مکین دنیا بھر میں قائم کیے جانے والے دلچسپ اور عجیب و غریب ریکارڈ ہوتے ہیں اور ان ریکارڈز کے بارے میں اکثر ہم سنتے بھی رہتے ہیں- بالخصوص اس وقت جب یہ قائم کیے جاتے ہیں تو کئی روز تک خبروں کی زینت بنتے ہیں- تاہم ہم یہاں چند ایسے عالمی ریکارڈ کا ذکر کرنے جا رہے ہیں جنہیں گنیز بک آف ورلڈ ریکارڈ نے اپنے سال 2020 کے ایڈیشن میں شامل کیا ہے-

سب سے چھوٹا گھوڑا
نر گھوڑوں میں سب سے چھوٹے گھوڑے کا اعزاز پولینڈ کے Bombel کو حاصل ہے- اس گھوڑے کی لمبائی صرف 22.36 انچ ہے-

سب سے چھوٹا بیل
دنیا کے سب سے چھوٹے بیل کا قد صرف 26.6 انچ اونچا ہے- اس بیل کے مالک امریکہ کے جوئے اور مشیل گارڈنر ہیں-

داڑھی میں سب سے زیادہ ٹوتھ پک
یہ عجیب و غریب ریکارڈ امریکہ کے Joel Strasser نے جولائی 2018 میں قائم کیا- انہوں نے 3 گھنٹے 13 منٹ میں 3500 ٹوتھ پک اپنی داڑھی میں پھنسائے-

پوگو اسٹک کے ذریعے بلند ترین جمپ
روس کے Dmitry Arsenyev نے پوگو اسٹک کے ذریعے بلند ترین جمپ لگانے کا ریکارڈ قائم کیا- یہ جمپ 11.15 فٹ اونچی لگائی گئی تھی-

سب سے بڑا پنگ پونگ پیڈل
یہ دنیا کا سب سے بڑا پنگ پونگ پیڈل ہے جس کی لمبائی 11 فٹ 7.8 انچ ہے جبکہ چوڑائی 6 فٹ 7.8 انچ ہے- اور یہ ریکارڈ امریکہ کی Pins Mechanical Company کے پاس ہے-

تیز رفتاری سے پاستا سے بھرا پیالہ کھانے کا ریکارڈ
یہ دلچسپ ریکارڈ امریکہ کی Michelle Lesco نے اپنے نام کیا تھا- انہوں نے پاستا سے بھرا پیالہ صرف 26.69 سیکنڈ میں ختم کیا-