ڈراؤنا خواب دیکھتے ہوئے خاتون نے ہیرے کی انگوٹھی نگل لی

ایک امریکی خاتون نے نیند میں اپنی منگنی کی انگوٹھی نگل لی جس کے بعد اسے سرجری کے ذریعے ان کے پیٹ سے نکالا گیا۔
 


29 سالہ جینا ایونز کے مطابق ’وہ اور ان کے منگیتر بوبی ایک تیز رفتار ٹرین پر تھے جب انھوں نے ’برے لوگوں‘ سے بچانے کے لیے اپنی انگوٹی نگل لی۔‘

جب وہ کیلیفورنیا میں اپنے گھر میں اٹھیں تو انھیں احساس ہوا کہ وہ ایک خواب تھا لیکن اس کے ساتھ ان پر یہ حقیقت بھی آشکار ہوئی کہ ہیرے کی انگوٹھی لاپتہ ہے۔

ان کا کہنا ہے کہ انھیں اندازہ ہوگیا کہ اصل میں ہوا کیا ہے، انھوں نے اپنے منگیتر کو اٹھایا اور وہ ہسپتال چلے گئے۔

وہ کہتی ہیں کہ ان کے لیے اس واقعے کے متعلق طبی عملے کو بتانا بہت مشکل تھا ’کیونکہ وہ (خود) متواتر زور سے ہنس اور رو رہی تھیں۔‘
 


ایکسرے سکین میں ان کے معدے میں 2.4 قِراط کے ہیرے کی انگوٹھی نظر آئی اور ڈاکٹروں نے کہا کہ اس کے قدرتی طور پر باہر نکلنے یا ’حاجت‘ کا انتظار کرنا عقل مندی نہیں ہوگی۔

اس کے بعد سان ڈی ایگو کی رہائشی جینا ایونز کی سرجری کرنی پڑی۔ ان کا کہنا ہے کہ انھیں اس کے لیے ایک فارم پر دستخط بھی کرنے پڑے کہ اس دوران ان کی موت بھی ہو سکتی ہے۔

انھوں نے کہا کہ ’میں نے اس موئی منگنی کی انگوٹھی کے لیے بہت انتظار کیا ہے اور میں بوبی ہوویل سے شادی کروں گی۔‘

ان کی سرجری کامیاب ہوئی اور ان کا کہنا ہے کہ وہ ’زار و قطار روتی ہوئی ہوش میں آئیں‘۔


Partner Content: BBC

Reviews & Comments

Language:    
A California woman says she dreamed about swallowing her engagement ring to protect it during a heist on a high-speed train. She later realized she actually did swallow her ring in her sleep.