سال 2019: سوشل میڈیا کی سب سے بااثر پاکستانی شخصیات

گزرتے وقت کے ساتھ سوشل میڈیا کے استعمال میں بھی تیزی سے اضافہ ہورہا ہے- اور پاکستان بھی سوشل میڈیا گیم میں کسی سے پیچھے نہیں ہے- کئی پاکستانی شخصیات سوشل میڈیا کی دنیا میں بھی بےپناہ مقبولیت رکھتی ہیں- یہاں ہم سال 2019 کی سوشل میڈیا پر سب سے بااثر پاکستانی شخصیات کا ذکر کر رہے ہیں-

فرحان ورک
فہرست میں 10ویں نمبر پر موجود یہ ایک ایسی شخصیت ہیں جو سوشل میڈیا پر تمام غلط وجوہات کی بناء پر مشہور ہوئے۔ ذرائع کے مطابق ، یہ ایک خود ساختہ سوشل میڈیا ’کارکن‘ ہے جو ٹویٹر اور دوسرے پلیٹ فارمز پر متعدد جعلی اکاؤنٹ چلاتے ہیں- انہیں ‘دھوکہ دہی’ کی وجہ سے متعدد مواقع پر بے نقاب کیا گیا ہے۔

مہوش حیات
پاکستانی فنکارہ مہوش حیات کی حالیہ قابلِ ذکر کامیابیوں نے انہیں رواں سال کی سوشل میڈیا کی بااثر پاکستانی شخصیات میں سے ایک بنا دیا- اس فہرست میں مہوش حیات نویں نمبر پر ہیں- مہوش حیات کو تمغہ امتیاز سے بھی نوازا گیا ہے-

محمد حمزہ شفقت
فہرست میں آٹھواں نمبر محمد حمزہ شفقت کا ہے جو کہ پاکستان ایڈمنسٹریٹو سروس (PAS) کے سول آفیسر ہیں اور اس وقت ڈپٹی کمشنر اسلام آباد کے طور پر اپنی خدمات سرانجام دے رہے ہیں-

زید حامد
دائیں بازو کے سیاسی مبصر، مصنف، اور کالم نگار زید حامد نے 7 ویں پوزیشن حاصل کی۔ یہاں تک کہ زید حامد دنیا کے 500 سب سے بااثر مسلمانوں میں بھی شامل کیے گئے ہیں۔

حامد میر
پاکستان کے معروف صحافی حامد میر اس فہرست میں 6ویں پوزیشن پر ہیں- حامد میر کے آصف علی زرداری کے ساتھ کیے جانے والے اس انٹرویو کے سوشل میڈیا پر چرچے رہے جو کہ شروع ہونے کے چند لمحوں بعد ہی روک دیا گیا تھا-

اسد عمر
اسد عمر کے حکومتی عہدے میں تبدیلی نے ہر کسی کو الجھن کا شکار بنا دیا اور دیکھتے ہی دیکھتے یہ سوشل میڈیا پر ٹرینڈ کرنے لگے- اسد عمر سال 2019 میں سوشل میڈیا کی بااثر پاکستانی شخصیات کی فہرست میں 5ویں نمبر پر ہیں-

مریم نواز شریف
مریم نواز سے کون واقف نہیں ان کے سیاسی اتار چڑھاؤ نے انہیں رواں سال بڑی حد تک سوشل میڈیا کی زینت بنائے رکھا- اس لیے یہ حیرت کی بات نہیں ہے کہ مریم نواز رواں سال سوشل میڈیا کی تیسری سب سے زیادہ بااثر پاکستانی شخصیت بن چکی ہیں-

آصف غفور
سال 2019 میں سوشل میڈیا کی دوسری سب سے بااثر پاکستانی شخصیت ڈی جی آئی ایس پی آر میجر جنرل آصف غفور ہیں- ان کی بڑے پیمانے پر مقبولیت کی وجہ ان کے دلچسپ تبصرے اور دشمنوں کو دلیرانہ جوابات ہیں-

عمران خان
پاکستان کے وزیراعظم عمران خان رواں سال نہ صرف سوشل میڈیا پر چھائے رہے بلکہ اپنے حالیہ مختلف ممالک کے سرکاری دوروں کے باعث عالمی سطح پر بھی مقبولیت حاصل کرنے میں کامیاب رہے- عمران خان کو سال 2019 میں سوشل میڈیا کی سب سے بااثر پاکستانی شخصیت ہونے کا اعزاز حاصل ہے-