سال 2019: جنگلی حیات کی سب سے شاندار تصاویر

وائلڈ لائف فوٹوگرافر آف دی ائیر 2019 کے مقابلے میں حصہ لینے کے لیے دنیا بھر سے پیشہ ور اور شوقیہ فوٹوگرافرز نے تقریباً 50 ہزار تصاویر ارسال کی گئی ہیں- ان تصاویر میں 100 تصاویر لندن کے نیشنل ہسٹری میوزیم میں 18 نومبر کو نمائش کے لیے پیش کی جائیں گی جبکہ مقابلے کے فاتحین کے ناموں کے اعلان اسی میوزیم کے Hintze Hall میں 15 اکتوبر کو ہی کر دیا جائے گا- اس مقابلے میں شامل چںد شاندار تصاویر مندرجہ ذیل میں موجود ہیں-

خرسک (raccoon) ایک 1970 کی دہائی کی فورڈ پنٹو گاڑی سے اپنا چہرہ باہر نکالے ہوئے ہے- یہ گاڑی کینیڈا کے شہر Saskatchewan کے ایک ویران فارم میں کھڑی تھی جبکہ یہ دلچسپ تصویر Jason Bantle نامی فوٹو گرافر نے کھینچی-

gentoo پینگوئین پانی کی اندر سب سے تیزی سے تیراکی کرنے والی پینگوئین ہے- یہ پینگوئین اس وقت اپنی زندگی بچانے کی کوشش کر رہی ہے- یہ منظر Eduardo Del Alamo نامی فوٹو گرافر نے اپنے کیمرے میں قید کیا-

ایک چیتے اور جنگلی افریقی کتوں کے درمیان ہونے والا ایک غیر معمولی مقابلہ٬ جنوبی افریقہ کے علاقے KwaZulu-Natal میں یہ تصویر Peter Haygarth نے کھینچی-

الباما کے ساحل پر ایک ایسا کچھوا رینگتے ہوئے جس کی گردن مچھلیاں پکڑنے کے لیے استعمال کی جانے والی ڈور سے جکڑی ہوئی ہے- یہ تصویر Matthew Ware نے کھینچی-

پانامہ کے سوبیریا نیشنل پارک میں ایک تین پیروں والا سلوتھ درخت پر بیٹھا ہے- یہ دلچسپ منظر Carlos Perez Naval نامی فوٹوگرافر نے اپنے کیمرے میں قید کیا-

جنوبی جارجیا کے علاقے Larsen Harbour میں موجود برف پر ایک اود بلاؤ نیند پوری کر رہی ہے- یہ تصویر Ralf Schneider نامی فوٹو گرافر نے کھینچی-

لمبی دم کا مالک پرندہ tit اپنی چونچ سے جاپانی جزیرے Hokkaido میں ایک ایسے درخت کی شاخ سے لٹکا ہوا ہے جس پر برف جمی ہوئی ہے- یہ خوبصورت منظر Diana Rebman نے اپنے کیمرے میں قید کیا-

نوجوان گرے وہیل کشتی سے سیاح کے پانی کے اندر لٹکائے جانے والے ہاتھوں تک رسائی حاصل کرنے کی کوشش کر رہی ہے- یہ منظر میکیسیکو کی جھیل San Ignacio Lagoon کا ہے اور یہ تصویر Thomas P Peschak نے کھینچی ہے-

بحیرہ احمر کے صاف پانی میں 80 فٹ کی گہرائی میں لاتعداد مچھلیاں ایک گول دائرے کی شکل میں دیکھی جاسکتی ہیں- یہ منظر Alex Mustard نامی فوٹو گرافر نے اپنے کیمرے میں قید کیا-