تازہ اور معیاری گوشت کی پہچان صرف چند سیکنڈ میں! جانیے کیسے؟

گوشت ہمارے روزمرہ کے پکوان کا اہم ترین حصہ ہوتا ہے- گوشت متعدد فوائد کی حامل غذا ہے لیکن صرف اسی صورت میں جب اسے اعتدال میں رہ کر کھایا جائے ورنہ یہ نقصان دہ بھی ثابت ہوسکتا ہے-
 


اس کے علاوہ طبی فوائد کے حصول کے لیے گوشت ہمیشہ تازہ کھانا چاہیے کیونکہ باسی گوشت نہ صرف آپ کے نظامِ ہضم کو متاثر کرسکتا ہے بلکہ آپ کو کئی دوسری بیماریوں کا شکار بھی بنا سکتا ہے-

اب اصل مسئلہ یہ ہے کہ کیسے معلوم ہو کہ جو گوشت ہم خرید رہے ہیں وہ تازہ یا کہ پرانا؟ تو اس کے لیے ہم آپ چند علامات بتاتے ہیں جنہیں ذہن نشین کر کے آپ موقع پر تازہ گوشت کی شناخت کرسکتے ہیں-

مثال کے طور پر اگر گوشت تروتازہ اور صاف ستھرا ہوگا تو اس کی اپنی تازہ سی مخصوص خوشبو ہوگی ہے جو آپ کو متاثر کرے گی- اس کے علاوہ تازہ گوشت کے ریشے کھڑے مگر مضبوطی کے ساتھ جڑے ہوتے ہیں اور دیکھنے اور چھونے پر رس دار معلوم ہوتے ہیں.
 


چھوٹے جانور کے گوشت صحت کے لیے زیادہ مفید ہوتا ہےاور اس کی پہچان کے لیے ریشے، رنگت اور نرمی دیکھی جاتی ہے. بڑے جانور کے ریشے سخت اور قدرے اکڑے ہوئے ہوتے ہیں اور رنگ بھی قدرے بھورا یا سیاہی مائل ہوتا ہے.

اس کے مقابلے میں گوشت اگر بکرے کا ہو گا تو اس کی رنگت گلابی مائل سرخ اور سطح مخملی ہوتی ہوگی. اس کی ہڈی چھوٹی جبکہ چربی کا رنگ زردی مائل ہوتا ہے-

گائے یا بھینس کا گوشت قدرے سرخی مائل ہوتا ہے. ریشہ بکرے کے گوشت سے موٹا اور ہڈی موٹی ہوتی ہے. لیکن چربی سفید اور سطح مخملی ہوتی ہے.
 


خراب گوشت گہرے سرخ رنگ کا، خشک، کھردرا اور سخت ہوتا ہے۔ اس کی چربی نرم ہوتی ہے ۔اور ایسے گوشت سے ناگوار بو بھی آتی ہے-

Reviews & Comments

Language:    
Meat can be one of the tastiest foods on the planet, or the most dangerous, depending upon how it reaches you. Many halal meat markets don’t have a ‘sell-by’ date on the packaging for red meats so it’s basically a matter of asking the butcher when the meat arrived and when they put it in the display case.