گھر سے باہر کسی ریسٹورنٹ میں مزیدار کھانوں سے لطف اندوز
ہونا یقیناً ہمیشہ ایک مختلف تجربے کا باعث بنتا ہے- عموماً لوگ کھانے کے
لیے ایسے ریسٹورنٹ کا انتخاب کرتے ہیں جہاں کا نہ صرف کھانا مزیدار ہو بلکہ
اردگرد کا ماحول بھی انتہائی دلچسپ٬ دلکش اور منفرد ہو کیونکہ ماحول بھی آپ
کے مزاج پر گہرے اثرات مرتب کرتا ہے- اسی حقیقت کو مدنظر رکھتے ہوئے آج ہم
آپ کو پاکستان کے چند ایسے منفرد ریسٹورنٹ دکھائیں گے جہاں آپ نہ صرف
مزیدار کھانوں سے لطف اندوز ہوسکتے ہیں بلکہ یہاں گزارے جانے والے لمحات
ہمیشہ کے لیے خوبصورت اور یادگار بن سکتے ہیں-
حویلی ریسٹورنٹ
یہ ریسٹورنٹ لاہور کی تاریخی خلیل خان حویلی میں واقع ہے- اس حویلی کی
عمارت انتہائی پرکشش ہے اور دیکھنے سے تعلق رکھتی ہے- اس حویلی کے اردگرد
کئی تاریخی عمارات بھی واقع ہیں جن میں بادشاہی مسجد٬ لاہور قلعہ٬ گرو ارجن
کا مندر اور مینارِ پاکستان شامل ہیں- اس ریسٹورنٹ سے ان تمام عمارات کا
خوبصورت نظارہ کیا جاسکتا ہے اور یہی اس ریسٹورنٹ کی خاصیت بھی ہے- اس
ریسٹورنٹ مقامی اور روایتی کھانے پیش کیے جاتے ہیں جو انتہائی مزیدار ہوتے
ہیں- |
|
فوکر فرینڈ شپ ریسٹورنٹ
فوکر طیارے میں قائم کردہ یہ دلچسپ ریسٹورنٹ چترال میں واقع ہے- یہ پی آئی
اے کا سابقہ طیارہ تھا جو 16 جون 2004 کو چترال میں حادثے کا شکار ہوگیا
تھا- 48 سیٹوں کے حامل اس طیارے کو ایک ریٹائرڈ پائلٹ نے خرید کر ریسٹورنٹ
میں تبدیل کردیا- اس منفرد ریسٹورنٹ میں کھانا کھانا بھی ایک منفرد تجربہ
ثابت ہوتا ہے-
|
|
کوکو ڈین
کوکو ڈین اینڈ کیفے نامی اس ریسٹورنٹ نے لاہور میں کھانوں کے کاروبار میں
اپنا نام روشن کیا ہے- یہ ریسٹورنٹ لاہور کی فوڈ اسٹریٹ پر واقع ہے جہاں
کئی قدیم عمارات تعمیر ہیں- اس مقام پر داتا دربار اور بادشاہی مسجد بھی
واقع ہیں- ایسے افراد جو کچھ مختلف چاہتے ہیں ان کے لیے یہ ریسٹورنٹ ایک
دلکش جگہ ہے-
|
|
مونال
یہ اسلام آباد کا ایک مقبول ترین ریسٹورنٹ ہے جو کہ مارگلہ کی پہاڑیوں پر
واقع ہے- بلندی پر واقع اس ریسٹورنٹ سے اسلام آباد کا خوبصورت نظارہ ممکن
ہے- اس کے علاوہ یہاں پیش کیے جانے والے کھانے بھی انتہائی لذیز ہیں اور
اسی وجہ سے یہ ریسٹورنٹ سیاحوں کی توجہ کا مرکز بنا رہتا ہے-
|
|
کولاچی
یہ ریسٹورنٹ کراچی کے دو دریا نامی ساحل کے کنارے واقع ہے اور یہاں آنے
والے کھانے کے علاوہ سمندر کے حسین نظاروں سے بھی لطف اندوز ہوتے ہیں- اس
ریسٹورنٹ کے کھانے بھی اپنے ذائقے کی وجہ سے شہرت رکھتے ہیں-
|
|