|
ماسکو میں ندی کے کنارے ایک ایسے تفریحی پارک ’آئی لینڈ آف ڈریمز‘ کی تعمیر
جاری ہے جس کے بارے میں کہا جا رہا ہے کہ یہ نہ صرف روس بلکہ دنیا بھر میں
سب سے بڑا انڈور تفریحی پارک ہو گا۔
|
|
اس پارک کو ڈزنی لینڈ کے قلعے کی طرز پر بنایا جا رہا ہے۔
|
|
پارک کی تعمیر روس کے موسم کو مدِ نظر رکھ کر کی گئی ہے اور شائقین کو روسی
سردیوں سے بچانے کے لیے یہ پارک شیشے کے بڑے بڑے گنبدوں کے درمیان تعمیر
کیا گیا ہے۔
|
|
تفریحی پارک میں شیشے کے سات بڑے گنبد ہیں، جن میں سے سب سے بڑا 91 ہزار
مربع فٹ چوڑا اور 115 فٹ اونچا ہے۔
|
|
فرانسیسی خبر رساں ادارے اے ایف پی کے مطابق اربوں ڈالر کے اس منصوبے کو
ماسکو کے میئر سرگئی سوبیانین کی حمایت حاصل ہے۔
|
|
میئر سرگئی سوبیانین، روس میں ایسے میگا پروجیکٹس کی نگرانی کر رہے ہیں
جنھوں نے یورپ کے سب سے بڑے شہر کا چہرہ یکسر بدل دیا ہے۔
|
|
پارک کا ڈیزائن روس کے تاریخی کریملن اور مغربی گوتھک دونوں طرز کے فن
تعمیر کا امتزاج ہے۔
|
|
تین لاکھ مربع میٹر پر محیط یہ پارک سال کے آخر تک کھل سکے گا اور امید کی
جا رہی ہے کہ سال بھر شائقین یہاں کا دورہ کر سکیں گے۔
|
|
اگرچہ یہ پارک شیشے کے گنبدوں کے بیچ تعمیر کیا گیا ہے لیکن پارک کے بورڈ
آف ڈائریکٹرز کے چیئرمین امیران متسوف کے مطابق وہ لوگوں کو یہ احساس دلانا
چاہتے ہیں کہ وہ کسی مال میں نہیں بلکہ ایک حقیقی شہر میں چہل قدمی کر رہے
ہیں۔
|
|
اسی لیے پارک میں حقیقی زندگی کے جیسی گلیاں اور فٹ پاتھ بنائے گئے ہیں اور
اس میں دکانیں، ریستوراں، سنیما اور ایک کنسرٹ ہال بھی شامل کیے جائیں گے۔
|
|
پارک میں داخلہ مفت ہوگا لیکن کھیلوں اور دوسری دلچسپیوں کو استعمال کرنے
کے لیے ادائیگی کرنی پڑے گی۔
|
|