مونگ پھلی سردیوں کا سب سے قیمتی تحفہ ۔۔۔ بےشمار فوائد

کبھی آپ نے غور کیا کہ اﷲ نے ہر موسم کے کون سے تحفے آپ کو تجویز کئے اور ان کا مقصد کیا ہے۔۔۔قدرت کے ہر تحفے میں پوشیدہ ہیں صحت کے اور حکمت کے راز۔۔۔سردیوں کے آتے ہی کئی پھل اور میوہ جات ہماری زندگی کا حصہ بن جاتے ہیں لیکن ان سب میں مونگ پھلی ایک ایسی نعمت ہے جس کے فوائد آپ کی زندگی کو یکسر تبدیل کر سکتے ہیں-
 

مونگ پھلی کو غریبوں کا بادام بھی کہا جاتا ہے۔۔۔اس کی خصوصیات سے بہت کم لوگ ناواقف ہیں ۔۔جبکہ اگر اس کے فوائد پر غور کیا جائے تو یہ ایک مکمل غذا ہے۔۔۔اور یہ سیب، چقندر اور گاجر سے بھی زیادہ طاقتور ہے غذائی اجزاء کے اعتبار سے۔۔وہ افراد جو وزن کم کرنا چاہتے ہیں یہ ان کے لئے بھی بہترین ہے۔۔۔عام فہم میں لوگ سمجھتے ہیں کہ یہ موٹاپا پیدا کرتی ہے لیکن ایسا ہرگز نہیں ہے۔۔۔اس کو اگر اعتدال میں کھایا جائے تو یہ بھوک کنٹڑول کرنے والی غذاؤں میں سب سے بہترین ہے۔۔۔

وہ لوگ جن کے خاندان میں یا وراثت میں کہیں بھی کینسر کا خطرہ ہو تو مونگ پھلی کو روزانہ کھائیں۔۔۔اس کا استعمال نا صرف کینسر کے خطرات کو روکتا ہے بلکہ دوسری کئی بیماریوں سے بھی بچا کے رکھتا ہے۔۔۔اس میں بائیوٹن کی اچھی خاصی مقدار شامل ہوتی ہے جو ان خواتین کے لئے بہترین ہے جن کا بچے دوران حمل کسی بھی قسم کی پیچیدگیوں کا شکار ہو جاتے ہیں اور ان کا حمل ضائع ہوجاتا ہے یا بچہ نارمل پیدا نہیں ہوتا۔۔۔
 

عام طور پر ایک انسان کے لئے تیس مائکروگرام بائیوٹن روزانہ کی بنیاد پر چاہئے ہوتا ہے اور ایک چوتھائی کپ مونگ پھلی میں چھبیس ملی گرام بائیوٹن کی مقدار کو پایا گیا۔۔۔یہ آپ کے دن بھر کی غذائیت کا 88 فیصد ہے۔۔۔ذیابطیس کے مریضوں کے لئے بھی یہ ایک بہترین غذا ہے۔۔۔

اس میں وہ فیٹس شامل ہیں جو دل کی صحت کو بہتر بنانے میں معاون ہیں۔۔۔اس میں فیٹس کا وہی فارمولا شامل ہے جو زیتون کے تیل کا ہے۔۔۔۔اور یہ دل کے دورہ کو روکتا ہے۔۔۔وہ خواتین جن کا وزن زیادہ ہے یا وہ لوگ جن کی عمر چالیس سال سے زیادہ ہے مثانے کی پتھری کا شکار ہوجاتے ہیں ۔۔۔لیکن سائنسدانوں نے پتہ لگایا کہ اگر وہ لوگ خشک میوے اور خاص کر مونگ پھلی کو کھاتے ہیں تو یہ خطرہ پچیس فیصد تک ٹل جاتا ہے۔۔۔

اکثر خواتین کے چہرے پر لائنیں تیس سال کے بعد فوراً ہی نظر آنا شروع ہوجاتی ہیں اور لگتا ہے کہ عمر دس سال اور آگے چلی گئی لیکن اگر وہ خواتین نا صرف مونگ پھلی کو کھائیں بلکہ اس کا پیسٹ بنا کر لیموں اور شہد میں ملا کر لگائیں تو جلد ایسی ہوجاتی ہے جیسے چھوٹے بچوں کی۔۔۔
 

مونگ پھلی کی تاثیر تھوڑی گرم ہوتی ہے حکمت کے لحاظ سے اس لئے اس کو جوڑوں کے درد کی دواؤں میں بھی استعمال کیا جاتا ہے۔۔۔اور بہت ساری نئی ڈائیٹس میں پینٹ بٹر کا استعمال شامل ہوتا ہے جو وزن کو بڑھنے سے روکتا ہے۔۔۔اداکار اعجاز اسلم تو اپنے آملیٹ میں بھی پینٹ بٹر ہی ملاتے ہیں جبکہ ان سے زیادہ عمر اور فٹنس کا خیال انڈسٹری میں بھلا کون رکھتا ہے۔۔۔تو موسم کے کھل کر مزے لیں اور سردیوں کا تحفہ مونگ پھلی روز کھائیں۔۔۔