آج کے دور میں پیٹ کی خرابی کی وجوہات اور علاج


آج کے دور کا انسان ذائقہ دار اشیاء کھانے کا عادی بن چکا ہے اسے اس سے کوئی غرض نہیں کہ کون سی اشیاء اس کے لئے مفید ہیں اور کون سی نقصان دہ ہے- آجکل غذا سے ہی کئی طرح کی بیماریاں پھیل رہی ہیں اس لئے ہمیں احتیاط کی اشد ضرورت ہے- آج کے دور میں پیٹ کی خرابی کی کیا کیا وجوہات ہو سکتی ہیں آج ہم ان پر روشنی ڈالیں گے اور اس کا علاج بھی بتائیں گے کہ آپ کیا کیا احتیاطی تدابیر اپنائیں تاکہ آپ پیٹ کی خرابی سے محفوظ رہ سکیں۔

وجوہات
پیٹ کی خرابی میں تلی ہوئی اشیاء کا استعمال بھی کسی خطرے سے خالی نہیں ہے کیونکہ ہو سکتا ہے کہ تلنے کے لئے ناقص تیل کا استعمال کیا گیا ہو یا کئی بار اس تیل میں اشیاء کو تلا جا چکا ہے- دونوں صورتوں میں ہمیں پیٹ کی خرابی کا سامنا ہو سکتا ہے۔ دوسری بات ہمیں فاسٹ فوڈز کا زیادہ استعمال پیٹ کی بیماریوں میں مبتلا کر دیتا ہے اس سے نہ صرف پیٹ پھولتا ہے بلکہ وزن میں بھی اضافہ ہو جاتا ہے۔

اس کے علاوہ پیٹ کی خرابی میں گلے سڑے پھل اور سبزیاں بھی شامل ہیں ان کے استعمال سے بھی ہمیں اسہال یا پیچش لگ سکتے ہیں ۔اگر آپ مرغن اور مصالحہ دار اشیاء کا استعمال کریں گے تو اس سے پیٹ میں اپھارہ اور گیس کی شکایت ہو سکتی ہے اس کے علاوہ پیٹ میں درد بھی ہوسکتا ہے۔
 


غذا کو تیزی کے ساتھ کھانے سے پیٹ میں جلن ہو سکتی ہے اس لئے غذا کو چبا چبا کر کھانا ضروری ہے تاکہ جلد ہضم ہو جائے۔ناقص غذا کے استعمال سے پیٹ میں مروڑ اور دست لگ جاتے ہیں اس لئے ہمیشہ تازہ اور اعلیٰ کمپنی کی غذاؤں کا استعمال کریں۔ناقص غذا کی وجہ سے پیٹ میں درد ہوتا ہے لیکن اس کی وجہ آنتوں میں انفیکشن بھی ہو سکتا ہے ایسی صورت میں فوراً ڈاکٹر سے رجوع کریں۔

گوشت ہمیشہ تازہ خریدیں اور پکائیں۔مچھلی ہمیشہ حفظان صحت کے اصولوں کو مد نظر رکھ ہی خریدیں باسی مچھلی سے پرہیز رکھیں۔

علاج
٭پیٹ بھر کر کھانا نہ کھائیں
٭سبزیوں کا استعمال زیادہ کریں
٭شکر اور شکر سے بنی اشیاء سے پرہیز رکھیں
٭کولا وغیرہ پینے سے بھی نقصان ہوتا ہے اس کی جگہ پانی کا استعمال کریں یا پھر تازہ موسمی پھلوں کے رس پئیں
 


٭زیادہ تیز مرچ مصالحہ کا استعمال بھی خطرناک ہوتا ہے
٭کھانے کے بعد زیادہ دیر تک نہ بیٹھیں
٭کھانے پینے کی عادات میں تبدیلی لائیں
٭پیٹ کی خرابی میں صبح اسپبغول کا چھلکا دہی میں ملا کر استعمال کریں
٭ڈائیریا ہو جانے کی صورت میں نمکول کا استعمال کریں
٭قبض کی صورت میں خود کوئی دوا استعمال نہ کریں روزانہ نہار منہ ایک سے دو گلاس پانی پیا کریں اور دن میں بھی دس سے بارہ گلاس پانی پیئیں قبض کا خاتمہ ہو جائے گا
٭پیٹ خراب ہو تو متلی اور قے بھی ہوتی ہے ایسی صورت میں ادرک بہترین علاج ہے اسے کچا یا پکا کر استعمال میں لائیں٭پیٹ میں اپھارہ اور درد ہو تو پودینہ کی چٹنی بنا کر بھی کھائی جائے تو افاقہ ہو جاتا ہے
٭زیادہ غذا کھا لینے کی صورت میں پیپیتا کھایا جائے اور چہل قدمی کی جائے اس سے کھانا جلد ہضم ہو جاتا ہے
٭دہی کا استعمال بھی قبض میں فائدہ پہنچاتا ہے اس کے علاوہ اسہال میں دہی لینا مفید رہتا ہے
٭پودینے کا پانی،لیموں کا رس اور شہد ہم وزن لینے سے بھی پیٹ کے امراض سے چھٹکارا مل جاتا ہے ۔اگر طبیعت زیادہ خراب ہو تو ڈاکٹر سے فوراً رجوع کریں۔

Most Viewed (Last 30 Days | All Time)
23 Dec, 2019 Views: 5343

Comments

آپ کی رائے