امی ابو مبارک ہو۔۔۔دو گئیں اور دو باقی ہیں۔۔۔صنم جنگ نے دی اپنے والدین کو مبارکباد

مارننگ شو کی میزبان اور بہت ہی کامیاب اداکارہ صنم جنگ کے بارے میں تو سب ہی جانتے ہیں کہ وہ ایک بہت ہی پڑھے لکھے تعلیم یافتہ گھرانے سے تعلق رکھتی ہیں اور گھر کی سب سے بڑی بیٹی ہیں۔۔۔صنم جنگ سے چھوٹی تین بہنیں ہیں۔۔۔انعم جنگ، آمنہ جنگ اور سونیا جنگ۔۔۔انعم جنگ نے کپڑوں کے بزنس میں خود کو آگے بڑھایا ہے اور اپنی clothing line لے کر چل رہی ہیں۔۔۔ان سے چھوٹی آمنہ جنگ پاکولا کمپنی میں ایک بہت ہی کامیاب پوزیشن پر کام کررہی ہیں اور سب سے چھوٹی سونیا جنگ فی الحال پڑھ رہی ہیں۔۔۔
 

پچھلے کچھ دنوں سے صنم اپنی کزن کی شادی میں مصروف تھیں اور اکثر و بیشتر اپنی بیٹی الایا جعفری کے ساتھ اپنی تصاویر شیئر کرتی نظر آئیں لیکن کل انہوں نے ایک بہت ہی پیاری تصویر اپنے والدین کے ساتھ شیئر کی جس میں انہوں نے لکھا ۔۔۔’’امی ابو ماشاء اﷲ۔۔۔دو گئیں اور دو ابھی باقی ہیں‘‘۔۔۔یعنی صنم جنگ کے گھر ایک بار پھر خوشیوں کے شادیانے بجنے لگے۔۔۔صنم کی تیسرے نمبر کی بہن آمنہ جنگ کا نکاح کل دوپہر ہوا اور اس تقریب میں گھر اور خاندان کے قریبی افراد نے شرکت کی۔۔۔
 

آمنہ حبیب اﷲ جنگ کا نکاح فہد سطان سے ہوا۔۔۔فہد لندن میں مقیم ہیں اور نکاح کراچی میں ہوا۔۔۔اس تقریب میں دولہا نے کالی شیروانی اور دلہن نے سفید خوبصورت لباس گلابی دوپٹے کے ساتھ زیب تن کیا ہوا تھا۔۔۔

صنم جنگ نے کاٹن کا سادہ سا غرارہ پہنا تھا اور جس میں سفید اور ہلکامونگیا رنگ استعمال ہوا تھا۔۔۔اور اس سادگی میں بھی وہ سب سے الگ اور سب سے خوبصورت نظر آرہی تھیں۔۔۔
 

اس تقریب میں دولہا نے دولہن کو نکاح کے بعد گانا بھی سنایا جسے تقریب کے سارے ہی افراد نے بہت پسند کیا۔۔۔

صنم جنگ نے اپنی فیس بک آئی ڈی پر یہ تصاویر اور ویڈیوز شیئر کیں۔۔۔جن میں سے ایک تصویر میں انہوں نے دلہا دلہن کی تصویر کے ساتھ لکھا ۔۔۔قبول ہے
 

ساتھ ہی انہوں نے اپنی اور قسام جعفری کی بھی ایک تصویر شیئر کی اور انہیں شادی کی سالگرہ کی مبارکباد دیتے ہوئے کہا کہ ۔۔۔ہر گزرتا ہوا دن جو آپ کے بغیر ہے وہ مجھے آپ کی اہمیت کا احساس دلاتا ہے ۔۔۔آپ میرے بہترین دوست ہیں، میرے کرائم پارٹنر ہیں، میری ہمت ہیں اور آپ نے مجھے اس وقت حوصلہ دیا جب جب میں نے کہا کہ میں یہ نہیں کر سکتی۔۔۔شکریہ مجھے ہمیشہ روشن راستہ دکھانے کے لئے اور مجھ پر یقین کرنے کے لئے۔۔۔جلدی آجائیں ہم آپ کو بہت یاد کرتے ہیں۔۔۔شادی کا چوتھا سال مبارک

اب باری ہے ان کی دوسرے نمبر کی بہن انعم جنگ کی۔۔۔دیکھتے ہیں کب وہ اپنی آئی ڈی پر لکھیں گیں۔۔۔تین گئیں اور اب صرف ایک باقی ہے۔۔۔