جڑواں بچوں کی پیدائش ایک راز جس کا جاننا ہر شادی شدہ جوڑے کے لیے ضروری

جڑواں بچوں کی پیدائش کے حوالے سے لوگوں کے درمیان بہت زيادہ شکوک و شبہات پائے جاتے ہیں ۔ کسی بھی ماں باپ کے گھر میں جڑواں بچوں کی پیدائش کیوں ہوتی ہے اور جڑواں ہونے کے کتنے امکانات ہیں؟ اس کے بارے میں جدید سائنس نے تحقیقات کے بعد کچھ باتیں بتائی ہیں جن کے بارے میں جاننا ہر شادی شدہ جوڑے کے لیے ضروری ہے -

جڑواں بچوں کی پیدائش کی وجوہات
جڑواں بچوں کی پیدائش کے حوالے سے سائنس اب تک حتمی طور پر وجوہات کو نہیں بتا سکی ہے البتہ کچھ مشاہدات کی بنیاد پر نتائج ضرور اخذ کیے گئے ہیں جن کے مطابق ان وجوہات کی بنا پر جڑواں بچوں کی پیدائش کے امکانات ہوتے ہیں-
 

فیملی ہسٹری
اگر ماں باپ میں سے کسی کی فیملی ہسٹری میں جڑواں بچوں کی پیدائش ہوئی ہو تو اگلی نسل میں بھی جڑواں بچوں کی پیدائش کے امکانات میں ساٹھ فی صد اضافہ ہو جاتا ہے- اس میں بھی اگر ماں کے خاندان میں جڑواں بچوں کی ہسٹری ہو تو امکانات میں اضافہ ہو جاتا ہے جب کہ باپ کے خاندان کی ہسٹری میں جڑواں بچوں کی پیدائش کے امکانات کم ہوتے ہیں-

عمر رسیدگی
اگر ماں کی عمر تیس سال سے زيادہ ہو تو اس کے حمل ٹہرنے کی صورت میں بھی جڑواں بچوں کی پیدائش کے امکانات زیادہ ہوتے ہیں- اس کی وجہ یہ ہوتی ہے کہ تیس سال سے زیادہ عمر کی عورت میں ایک سے زیادہ انڈے خارج کرتی ہے-
 

قد اور وزن
عام طور پر لمبے قد اور صحت مند جسامت والی عورت کے جڑواں بچوں کے پیدا کرنے کے امکانات چھوٹے قد اور کمزور جسامت والی عورت کے مقابلے میں کم ہوتے ہیں- اس کی وجہ کے بارے میں ماہرین حتمی طور پر کچھ بھی کہنے سے قاصر ہیں -