اپنے ٹین ایج بیٹے اور بیٹیوں کو کیسے ویلنٹائن منانے سے دور رکھیں۔۔۔والدین کے لئے مشورے

بچے جہاں ٹین ایج میں داخل ہوئے وہیں ان کے ارمان اور خواہشات کو کنٹرول کرنا بھی والدین کے لئے انتہائی مشکل ہوجاتا ہے۔۔۔والدین ہر ممکن کوشش کرتے ہیں کہ بچوں کو ہر اس بات سے بچائیں جس کے مستقبل میں ان کے لئے کسی بھی قسم کے نقصانات ہونے کا خدشہ ہے۔۔۔ویلنٹائن ڈے مناتے ہوئے بچے یہ بھول جاتے ہیں کہ ابھی ان کی عمر ہی کیا ہے اور اس عمر کے تقاضوں کی بھی کچھ حدود ہیں۔۔۔تو والدین کو اس دن کے لئے پہلے سے تیاری کرنی ہوگی اور اس دن پر ان مشوروں پر عمل کرنا ہوگا

والدین کا ایک دوسرے سے محبت کا اعتراف
بچوں کے سامنے خود کو مثال بنانا بہت ضروری ہے۔۔۔شادی کے بعد ہونے والی محبت کا تذکرہ کھلے اور انتہائی احترام والے انداز میں برملا کیجئے۔۔۔بار بار اس بات کا شکر کیجئے بچوں کے سامنے کہ آپ نے ایک دوسرے کو صحیح عمر میں چنا اور نادانی میں کی جانے والی غلطیوں سے ہمیشہ دور رہے۔۔۔اس بات کا اعتراف کریں کہ ہمارے درمیان جو رشتہ قائم ہوا ہے وہ ہر اس رشتے سے محترم ہے جس کا کوئی نام نہیں- یاد رکھئے بچے محبت کو تلاش کرتے ہیں۔۔۔اگر انہیں مثالی محبت گھر میں نظر آجائے گی تو وہ خود کو یا باہر کسی بھی خیالی محبت کو اہم نہیں جانیں گے-
 

ویلنٹائن ڈے کی پلاننگ فیملی کے ساتھ
اگر بچے اس دن کے لئے آپ کو بہت بے چین نظر آئیں تو آپ ان کے ساتھ وقت گزارنے کا بہت اہتمام سے منصوبہ بنائیں۔۔۔دو سے تین دن کے لئے فارم ہاؤس جانے ، یا فلم دیکھنے اور ساتھ ساتھ کہیں ڈنر کرنے کا۔۔۔یا پورا دن ساتھ رہ کر مزے کرنے کا۔۔۔اس منصوبے میں آپ کی خوشی بچوں سے دو گنا بڑھ کر نظر آنی چاہئے ۔۔۔کیونکہ بچے پھر کسی اور کے ساتھ پلان بناتے ہوئے آپ کی خوشی کو یاد ضرور کریں گے اور ہوسکتا ہے کہ آپ کی خوشی کو ہی عزیز جان کر باز رہیں-

بہانے بہانے سے آگاہی دینا یا تنبیہہ کرنا
ٹین ایج میں آنے والے بچے عموماً کم سنتے ہیں اور انہیں ہر بات اپنے ساتھ زیادتی لگتی ہے۔۔۔وہ یہ سوچتے ہیں کہ کوئی ہمارے جذبات کو نہیں سمجھتا۔۔۔وہ بتانا چاہتے ہیں کہ ہم اب چھوٹے نہیں رہے۔۔۔تو آپ انہیں بڑا بنائیں دیگر کاموں میں اور ساتھ ساتھ یہ احساس دلائیں کہ اب تم بڑے یا بڑی ہو اور ذمہ داری صرف گھر کے کام نہیں ہوتے بلکہ خود کو سنبھالنا بھی ایک ذمہ داری ہے۔۔۔
 

اپنی غلطیوں کو سبق بنا کر پیش کرنا
بچوں کے سامنے اپنی غلطیوں پر ہنسیں نہیں بلکہ انہیں افسوس کے ساتھ بیان کریں اور ساتھ ہی یہ بھی بتائیں کہ اس وجہ سے آپ نے کتنا وقت ضائع کیا اور آپ کو اس کا کتنا افسوس ہے۔۔۔بچوں کو یہ احساس دلائیں کہ تم آج کے ہو اور ہم سے زیادہ سمجھدار ہو ۔۔۔تو اس بات کو سمجھ لو کہ ویلنٹائن پر وقت گزاری کرنے سے یا کم عمری کے ان چکروں سے سوائے پچھتاوے کے کچھ حاصل نہیں-