|
|
|
یہ سچ ہے کہ عورت گھر بناتی ہے اور اس گھر کو چلانے کے لئے مرد کماتا
ہے۔۔۔لیکن گھر بیٹھے انسان کو بھی وقت با وقت پیسے کی ضرورت پڑ ہی جاتی ہے
اور ہر وقت مانگنے کا مطلب ہے اس احساس کا شدید ہوجانا کہ ہمارے ہاتھ میں
کیا ہے۔۔۔گھر بیٹھی خواتین یہ حوصلہ نہیں رکھتیں کہ وہ گھر سے قدم باہر
نکالیں اور سڑکوں پر ماری ماری پھریں، پھر یہ بھی نہیں سمجھ پاتیں کہ آخر
ایسا کیا کریں کہ کم سے کم اپنا ہاتھ چل جائے یا کچھ بچت کرکے میاں کا ہی
ہاتھ بٹا لیں۔۔۔تو ایسی صورت میں یہ کام آپ گھر بیٹھے کر سکتے ہیں-
گھر کا کھانا
آپ کے گھر میں جو بھی کھانا بنے اس میں دو پلیٹ ذرا زیادہ بنا لیں اور اسے
فراہم کریں ان لوگوں تک جو گھر کا کھانا کھانے کے خواہشمند ہیں۔۔۔شروع میں
دو پلیٹ ہوتی ہیں اور اگر کام بڑھ جائے تو پھر وارے نیارے ہوجاتے
ہیں۔۔۔محلے کے کئی گھروں کو ایک واٹس اپ نمبر پر گروپ بنا کر شامل کریں اور
جو بھی پکائیں اس گروپ پر تصویر شیئر کرکے یہ لکھ دیں کہ آپ خود یہ کھانا
گھر سے لے کر جائیں اور پلیٹ کے حساب سے اس کی قیمت وصول کریں۔۔۔بعد میں یہ
گروپ خود ہی بڑھتا جائے گا۔۔۔ایک پلیٹ کی قیمت پچاس سے سو روپے کے درمیان
رکھیں ۔۔۔تاکہ لوگوں کی دلچسپی کھانے کے ساتھ ساتھ کم قیمت میں بھی رہے-
|
|
|
|
بری اور جہیز کی پیکنگ
یوٹیوب پر ایسی کئی ویڈیوز ہیں جن میں بری یا جہیز اور گفٹ پیک کرنے کے
طریقے سکھائے جاتے ہی۔۔۔آپ فیس بک پیج پر اپنے کام کی تصاویر ڈالیں اور
اعلان کردیں کہ ہم بہترین انداز میں آپ کے دن کو خوبصورت بنا سکتے
ہیں۔۔۔ایک سوٹ کی پیکنگ سو سے دو سو کے درمیان رکھیں اور اپنے ہی چند جوڑوں
کو پیک کر کے ان کی تصاویر فیس بک پر شیئر کریں
|
|
|
|
کٹی ہوئی سبزیاں
آج کل ہر گھر میں خواتین کسی نا کسی کام میں مصروف ہوتی ہیں اور نوکری پیشہ
خواتین تو ہرگز اس بات سے دور ہوتی ہیں کہ وہ بیٹھ کر ڈھیروں پیاز کاٹیں یا
مٹر چھیلیں۔۔ان کی آدھی سے زیادہ پریشانی تو جبھی ختم ہوجاتی ہے جب انہیں
یہ سب صاف ستھرے انداز میں طریقے سے کٹی ہوئی مل جائے۔۔۔آپ سبزی کے ساتھ
ساتھ اس پر لگی ہوئی محنت کے پیسے وصول کریں اور ڈیلیوری چارجز کے علاوہ پک
اپ کی سہولت بھی دے دیں۔۔۔کلو کے حساب سے دو سو سے تین سو تک لئے جاسکتے
ہیں-
|
|
|