|
(تحریر:ڈاکٹر تنویر سرور - لاہور)
کاجو کی کاشت پاک و ہند میں کی جاتی ہے کاجو ایک مشہور درخت ہے جس کی
لمبائی دس میٹر ہوتی ہے درخت میں سے سرخی مائل گوند بھی نکلتا ہے- اس کا
پھل مخروطی شکل کا ہوتا ہے اس پھل کا چھلکا نرم ہوتا ہے جس کا رنگ سرخ یا
زردی مائل ہوتا ہے- پتلی جھلی میں سفید رنگ جیسے مونگ پھلی ہوتی ہے اس جیسا
ہی ہوتا ہے اس کی بو تیز لیکن ذائقہ میٹھا ہوتا ہے اور یہ کھانے بھی لذیذ
ہوتا ہے-
اس کے چھلکوں سے ایک خاص قسم کا تیل بھی نکلتا ہے جو لکڑی کو دیمک سے محفوظ
رکھتا ہے لیکن احتیاط سے کام لینا چاہیئے کیونکہ یہ تیل اگر جلد پر لگ جائے
تو چھالے بن جاتے ہیں- ماہرین طب کی نظر میں اس پھل کی تاثیر گرم تر ہوتی
ہے-
کاجو بھی خشک میوؤں میں شمار کیا جاتا ہے جسے سردیوں میں کھایا جاتا ہے- اس
میوہ میں معدنیات،تانبا ،میگنیشیم ، پروٹین،فاسفورس،جست اور وٹامنز پائے
جاتے ہیں جو ہماری صحت کے لیے مفید ہوتے ہیں- کاجو میں چکنائی کی کافی
مقدار موجود ہوتی ہے لیکن یہ چکنائی غدودوں اور عضلات کے افعال کو بہتر
بناتی ہے-
|
|
کاجو کا استعمال کئی طریقوں سے کیا جا سکتا ہے اس کا ملک شیک بنا کر پیا
جائے تو بہت ہی مزیدار ہوتا ہے اس کے علاوہ سردیوں میں اس کا حلوہ بنا کر
بھی کھایا جاتا ہے کئی میٹھی چیزوں پر ڈال کر بھی اس استعمال میں لایا جا
سکتا ہے اب کاجو کے فوائد دیکھتے ہیں ۔
٭کاجو کولیسٹرول کی سطح کو نارمل رکھتا ہے
٭کاجو کھانے سے فالج کے حملے سے بچا جا سکتا ہے
٭کاجو کھانے سے دل کے امراض سے محفوظ رہا جا سکتا ہے
٭کاجو کے مسلسل استعمال سے وزن میں یقینی کمی ہوتی ہے
٭کاجو ہڈیوں کے لئے بھی فائدہ مند ہے
٭بڑھتے بچوں کی نشو ونما کے لئے انہیں روزانہ کاجو کا استعمال کروائیں
٭کاجو آنکھوں کی بینائی کو تیز کرتا ہے اور موتیا جیسی خطرناک بیماری سے
بچا جا سکتا ہے
٭کاجو شکل کے لحاظ سے بھی گردوں جیسا ہے اور یہ ہمارے گردوں کے لئے بھی
مفید ہوتا ہے
٭کاجو کے استعمال سے خون کی شریانیں سکڑتی نہیں اس لئے یہ بلڈ پریشر کو
نارمل رکھنے میں بھی مدد گار ہے
|
|
٭کاجو یادداشت اور دماغ کو بہتر بنایا ہے
٭کاجو کو شہد میں ملا کر چاٹا جائے تو نسیان کی بیماری سے بچا جا سکتا ہے
٭کاجو جسم میں شوگر لیول کو بڑھنے نہیں دیتا
٭کاجو کا مغز دانت درد میں آرام کا باعث بنتا ہے
٭اس پھل کا رس ورم اور دردوں میں نافع ہے
٭کاجو کے تیل کو سرکہ میں ملا کر آتشک اور کوڑھ کے مرض میں مالش کرنے سے
فائدہ ہوتا ہے
٭کاجو ایسے افراد کے لئے مفید ہوتا ہے جن میں خون کی کمی ہو
٭کاجو کھانے سے بال مضبوط اور چمکدار ہوتے ہیں
٭کاجو جسم کی تھکاوٹ کو دور کرتا ہے
٭کاجو ہمیں کینسر جیسی موذی مرض سے بھی محفوظ رکھتا ہے
٭کاجو ہمیں ڈپریشن سے محفوظ رکھتا ہے بلکہ اس کے کھانے سے اچھی نیند بھی
آتی ہے
٭کاجو بڑھاپے کے اثرات کو دور کرتا ہے۔
|