ایسی 8 حیران کن چیزیں جنہیں بطورِ پارسل بھیجنا قانونی ہے

موجودہ دور میں دنیا کے کسی بھی حصے میں کوئی چیز پارسل یا میل کرنا ایک عام سی بات ہے اور ہر کوئی یہ کام باآسانی کرسکتا ہے۔ اکثر لوگ کاغذات یا مختلف اشیاﺀ ایک سے دوسرے مقام پر بذریعہ ڈاک بھجواتے ہیں- لیکن کیا آپ بلی، چوزوں یا آلو جیسی سبزی میل کر سکتے ہیں؟ یقیناً کوئی بھی اس بات کو حقیقت تصور نہیں کرے گا۔ آئیے وقت ضائع کئے بغیر ہم آپ کو 8 ایسی چیزوں کے بارے میں بتاتے ہیں جن کو میل کیا جا سکتا ہے۔
 

1. A Tree Trunk( درخت کا تنا)
آپ شاید یقین کریں یا نہیں 2013 اور 2014 میں ایک عجیب و غریب میلنگ کا مقابلہ منعقد ہوا۔ مقابلہ جیتنے والا ایک درخت کا تنا تھا۔ جسے میل کے ذریعے شمالی کیرولائنا بھیج دیا گیا تھا۔


2. Potatoes (آلو)
آلو بھیجنا مکمل طور پر قانونی ہے اور حقیقت میں ایسی کئی ویب سائٹس ہیں جو آلو کی ایک ڈاک یا پارسل کی طرح ترسیل کرتی ہیں۔ یہ ادارے آلو کو بہترین انداز میں پیک کر کے متعلقہ مقام تک پہنچاتے ہیں-


3. Snow (برف)
امریکہ میں برف کو ڈاک کے ذریعے بھجوانا بالکل قانونی ہے- امریکہ میں ایسی کئی سروسز موجود ہیں جو برف کو مناسب طریقے سے پیک کر کے لوگوں کے پیاروں تک پہنچانے کی خدمات سرانجام دیتی ہیں- اس لیے اگر آپ کسی بھی ٹھنڈے علاقے میں رہتے ہیں اور آپ کا دوست گرم علاقے میں تو آپ اپنے علاقے کی یہ سوغات اسے بھجوا سکتے ہیں-


4. Scorpions (بچھو)
یقیناً یہ کسی کے ساتھ بھیانک مذاق بھی ہوسکتا ہے لیکن یہ حقیقت ہے کہ یو ایس پی ایس کے قواعد کے مطابق بچھو کو بھی بذریعہ ڈاک کسی کو بھی ارسال کیا جا سکتا ہے۔ مزید دلچسپ بات یہ ہے کہ طبی ریسرچ کے لیے زندہ بچھو بھی میل کیے جاسکتے ہیں۔


5. Cats (بلیاں)
اگرچہ آج کے دور میں آپ یو ایس پی ایس کے ذریعے بلیوں کو تکنیکی طور پر میل نہیں کرسکتے ہیں۔ لیکن 1897 کے دوران نیویارک میں نیومیٹک ٹیوب سسٹم کے ذریعے ایک کالی بلی کو میل کے ذریعے بھیجا گیا تھا۔ نیومیٹک ٹیوب سسٹم سے بہت سی چیزیں میل کی گئی تھیں جیسے جھنڈا ، کتاب، تقریری کاغذات مگر بلی کو میل کرنا ایک ناباقل یقین بات تھی۔


6. Live Bees (شہد کی مکھیاں)
زندہ شہد کی مکھیوں کو میل کرنا یقینی طور پر عجیب سی بات لگتی ہے مگر یہ حقیقت ہے کہ شہد کی مکھیوں کو بھی ڈاک کے ذریعے بھیجا جاسکتا ہے۔ شہد کی مکھیوں کو ہوائی جہاز کے ذریعہ بھیجا جاسکتا ہے، اور یہ ایسے مقامات پر بھیجی جاتی ہیں جہاں شہد کی مکھیوں کی تعداد کم ہو۔


7. Baby Chicks (چوزے)
یو ایس پی ایس کے سیکشن 526.3 کے مطابق پولٹری کی صنعت سے تعلق رکھنے والے کئی دن پرانے جانوروں کو بھی ڈاک کے ذریعے بھیجنا ممکن ہے۔ بٹیر ، مرغی ، بطخ ، مرغی ، گیز کو اپریل اور اگست کے درمیان کہیں بھی بھیجا جا سکتا ہے۔ تاہم اس کے لیے کچھ شرائط لاگو ہوتی ہیں۔ بالخصوص پارسل کے لئے پیکیجنگ کو مناسب طریقے سے ہوادار ہونا چاہئے۔


8. Children (بچے)
بلیوں کی طرح ، بچوں کو میل کرنا یقیناً غیر قانونی طریقہ ہے ! لیکن لوگ یہ عمل بھی کر چکے ہیں۔ سال 1913 میں ، جب پارسل پوسٹ پہلی بار پوسٹ آفس کے ذریعہ متعارف کروائی گئی تھی ، تب دیہی علاقوں میں رہنے والے لوگوں کو اچانک مواقع ملا۔ بعد میں میتیلڈا اور جیس بیگل نے اپنے 8 ماہ کے بچے جیمز کو اس کی دادی کے پاس پارسل کی مانند بھیج دیا تھا جو کچھ ہی میل دور رہتی تھی۔ جیمز کا وزن 11 پونڈ سے کم تھا اس لیے اس پارسل کی ترسیل پر 15 سینٹ کی رقم وصول کی گئی-

Rate it:
Share Comments Post Comments
Total Views: 3857 Print Article Print
 Previous
NEXT 

YOU MAY ALSO LIKE:

Most Viewed (Last 30 Days | All Time)

Comments

آپ کی رائے
Language: