|
|
|
اگر آپ کا تعلق ہانگ کانگ ، سئیول یا کوریا سے ہے تو آپ کے لیے بغیر ماسک
کے گھر سے باہر نکلنے کو سخت معیوب انداز میں دیکھا جا سکتا ہے- اور اس کی
وجہ یہ ہے کہ ان ممالک میں یہ گمان کیا جاتا ہے کہ بغیر ماسک کے آپ باہر
نکل کر اپنے ساتھ ساتھ دوسرے لوگوں کی زندگیوں کو بھی داؤ پر لگا رہے ہیں-
جب کہ اگر اس کے مقابلے میں برطانیہ ، امریکہ یا جرمنی میں آپ بغیر ماسک کے
باہر نکلیں گے تو وہاں کے عوام اور خواص کا اس حوالے سے قدرے مختلف نظریہ
ہے ان کا یہ ماننا ہے کہ ماسک کی ضرورت صرف اس فرد کو ہوتی ہے جو کہ کرونا
وائرس سے متاثر ہے یا اس کی دیکھ بھال کر رہا ہو اس کے علاوہ کسی فرد کے
لیے ماسک کا استعمال فائدہ مند نہیں ہوتا ہے-
سوال یہ پیدا ہوتا ہے کہ آخر کیا وجہ ہے کہ دنیا کی مختلف حکومتیں ماسک کے
حوالے سے مختلف نظریات کیوں رکھتی ہیں اور ان میں سے درست کیا ہے ؟
ماسک پہننے کے حوالے سے ڈبلیو ایچ او کا
نظریہ
ماسک کے استعمال کے حوالے سے ڈبلیو ایچ او کا نظریہ بہت واضح ہے اس کے
مطابق ماسک کا استعمال صرف دو قسم کے افراد کو کرنا چاہیے ایک وہ جو کرونا
وائرس سے متاثر ہیں اور دوسرے وہ جو ان کی دیکھ بھال کر رہے ہیں ۔ ڈبلیو
ایچ او کا یہ بھی کہنا ہے کہ ماسک کرونا وائرس سے محفوظ کرنے کی صد فی صد
تدبیر نہیں ہو سکتا کیوں کہ اس وائرس کے جراثیم صرف سانسوں سے جسم میں داخل
نہیں ہوتا ہے بلکہ یہ وائرس ہاتھوں کے ذریعے بھی جسم میں داخل ہو سکتے ہیں-
خاص طور پر اگر آلودہ ہاتھوں سے ماسک کو اتارا جائے تو اس سے بھی اس بیماری
کے پھلاؤ کے امکانات ہوتے ہیں جب کہ اس مرض سے بچاؤ کے لیے زیادہ سے زیادہ
ہاتھ دھونا ڈبلیو ایچ او کے مطابق زیادہ بہتر ہے-
|
|
|
|
چین جاپان اور دیگر ایشیائی ممالک کا ماسک
کے حوالے سے نظریہ
مغربی ممالک کے برخلاف چین جاپان اور ہانگ کانگ جیسے ممالک میں ماسک نہ
پہننے والے افراد کے خلاف قانونی چارہ جوئی تک کی جا سکتی ہے- اور اس کی
وجہ یہ ہے کہ ان ممالک میں کرونا وائرس سے قبل بھی وبائی امراض پھیل چکے
ہیں جیسے کہ سارس وغیرہ اور اس کے سبب ان لوگوں کو اس بات سے آگاہی حاصل ہے
کہ ماسک وائرس کے پھیلاؤ میں معاون ثابت ہو سکتا ہے-
|
|
|
|
اس کے ساتھ ساتھ چین کے حکام کا یہ بھی کہنا ہے کہ ان کے ملک میں ایک تہائی
ایسے کرونا وائرس سے متاثرین بھی تھے جن میں اس بیماری کی علامات واضح نہ
تھیں- اس کے باوجود وہ اس بیماری کو پھیلانے کا باعث بن رہے تھے اور ایسے
پوشیدہ کرونا وائرس کے متاثرین سے بچنے کا بہترین ذریعہ صرف اور صرف ماسک
ہی ہے-
|