آپ نے ایک محاورہ تو ضرور سنا ہوگا کہ “ ریکارڈ بنتے ہی
ٹوٹنے کے لیے ہیں “- اور اس کا عملی مظاہرہ بھی ہمیں اکثر اس وقت دیکھنے کو
ملتا ہے جب کوئی پرانا ورلڈ ریکارڈ توڑ کر نیا ورلڈ ریکارڈ قائم کردیا جاتا
ہے- لیکن ہم یہاں آج جن ورلڈ ریکارڈ کا ذکر کرنے جارہے ہیں انہیں کوئی بھی
توڑنے کی کوشش نہیں کرے گا اور نہ ہی توڑنے کی خواہش رکھتا ہے کیونکہ ان
ورلڈ ریکارڈ میں یا تو چند انتہائی خوفناک جنہیں بےوقوفی کہنا بھی غلط نہ
ہوگا یا پھر کچھ ورلڈ ریکارڈ حادثاتی طور پر قائم ہوئے ہیں-
|
|
Bipin Larkin نامی شخص کے پاس 1 منٹ میں 48 تربوز اپنے پیٹ پر رکھ کر کاٹنے
کا اعزاز ہے- یہ تربوز بڑے خنجر کی مدد سے کاٹے گئے- یقیناً یہ ایک خطرناک
لیکن بے وقوفی سے بھرپور عمل تھا-
|
|
ڈاکٹر کیون فاسٹ کئی وزنی چیزوں کو کھینچنے کا ریکارڈ رکھتے ہیں- انہوں نے
ایک 416,299 پونڈ وزنی جہاز کو 28 فٹ تک کھینچنے کا ریکارڈ بھی قائم کر
رکھا ہے- یہ ایک انتہائی مشکل کام ہے اس لیے اس ریکارڈ کے ٹوٹنے کا فی
الوقت کوئی امکان نہیں-
|
|
Kevin Shelley نے صرف ایک منٹ کے مختصر وقفے میں اپنے سر کی مدد سے 48
ٹوائلٹ سیٹ توڑنے کا ریکارڈ قائم کیا-
|
|
واشنگٹن سے تعلق رکھنے والے Jon Brower کا وزن 635 کلوگرام تھا اور کئی طبی
مسائل پیدا ہونے کے بعد ڈاکٹروں نے سرجری کے ذریعے ان کا 419 کلو گرام وزن
کم کیا جو کہ ایک ریکارڈ ہے-
|
|
سر سے فٹبال کھیلتے ہوئے سب سے زیادہ ٹی شرٹ اتارنے کا ریکارڈ برازیل کے
Marcelo Ribeiro da کے پاس ہے جنہوں نے سال 2018 میں سر سے فٹبال کھیلتے
ہوئے 22 ٹی شرٹ اتاریں-
|
|
Michel Lotito کا انتقال 2007 میں 57 سال کی عمر میں ہوا- انہیں دھاتی اشیاﺀ
کھانے کی وجہ سے مقبولیت حاصل تھی-انہوں نے اپنی زندگی کے دوران تقریباً 9
ٹن دھات کھائی-
|
|
Cindy Jackson ایک ایسی خاتون ہیں جو سب سے زیادہ پلاسٹک سرجریاں کروانے کا
ریکارڈ رکھتی ہیں- انہوں نے 52 بار پلاسٹک سرجری کروائی اور یہ سرجری چہرے
کے مختلف حصوں کی ہوتی تھی-
|
|
سب سے تیز رفتار کار حادثہ 1966 میں امریکہ پیش آیا اور یہ کار ریکارڈ
ہولڈر ریسر Art Arfons ڈرائیو کر رہے تھے- حادثے کے وقت کار 981 کلومیٹر فی
گھنٹہ کی رفتار سے دوڑ رہی تھی-
|