|
لاک ڈاؤن کی اس صورتحال میں سب سے مشکل کام بچوں کو گھر میں قابو رکھنا ہے
کیونکہ بچوں کی پوری کوشش ہوتی ہے کہ کسی طرح نظر بچا کر گھر سے باہر نکل
جائیں-
لیکن فلپائن کے ایک شہری نے اس مسئلے ایسا منفرد حل نکالا کہ اسے اگر بچے
کے ساتھ ظلم قرار دیا جائے تو غلط نہ ہوگا-
گزشتہ ہفتے ایک ایسے روتے ہوئے بچے کی تصاویر وائرل ہوئیں جس کا ہئیر
اسٹائل بہت ہی عجیب اور غیر معمولی تھا- یہ تصاویر 60 ہزار بار شئیر کی
گئیں اور ان پر ہزاروں تبصرے بھی کیے گئے-
|
|
درحقیت کرونا وائرس کی مہلک وبا کے باعث والد کے بار بار منع کرنے کے
باوجود یہ موصوف گھر سے باہر نکل جاتے تھے دوستوں کے ساتھ کھیلنے- جس کے
بعد والد نے اسے روکنے کے لیے سزا دینے کے بجائے ہئیر اسٹائل ہی ایسا تخلیق
کر ڈالا تاکہ وہ شرمندگی سے باہر جانے کا سوچے بھی نہیں-
اس منفرد ہئیر اسٹائل کے ساتھ لڑکے کی یہ تصاویر خود اس کی بڑی بہن نے سوشل
میڈیا پر شئیر کیں اور ساتھ ہی واقعہ کی تفصیلات بھی بیان کیں- اس کے علاوہ
ایک ایسی تصویر بھی شئیر کی جس میں بچے عام ہئیر اسٹائل میں دیکھا جاسکتا
ہے-
اس خاندان کی شناخت کے حوالے سے تفصیلات تو سامنے نہ آسکیں لیکن سوشل میڈیا
صارفین ضرور ان تصاویر سے محظوظ ہوتے رہے اور دلچسپ تبصرے کرتے رہے-
|
|
بلاشبہ اگر یہ بچہ اب گھر کے اندر رہے گا اور مہلک وائرس سے محفوظ رہے گا
تو اسے اپنے آنسوؤں کی قیمت کا اندازہ ہوجائے گا-
|