لاک ڈاؤن: سب کچھ برا نہیں، 5 حیران کن چیزیں جو مستقبل روشن کردیں گی

image


ہم میں سے بیشتر افراد لاک ڈاؤن کی وجہ سے اپنا وقت گھر کی چار دیواری کے درمیان گزارنے پر مجبور ہیں یا یوں کہہ لیں از خود قرنطینہ اختیار کیے ہوئے ہیں- یقیناً آپ کبھی کبھی اس تمام تر صورتحال سے اکتا بھی جاتے ہوں گے اور آزادی چاہتے ہوں گے جو کہ آسان بھی نہیں- لیکن اگر آپ ٹھنڈے دماغ سے سوچیں تو آپ کو پتہ چلے گا کہ اس صورتحال میں سب کچھ منفی نہیں ہے بلکہ کچھ چیزیں مثبت بھی ہیں جو مستقبل میں ہمارے لیے مفید بھی ثابت ہوسکتی ہیں- آئیے ہم آپ کو بتاتے ہیں کہ آپ اس لاک ڈاؤن سے 5 کیا حیران کن سبق سیکھ سکتے ہیں:

اپنوں کی قربت اور محبت
لاک ڈاؤن سے قبل ایک مصروف زندگی ہوا کرتی تھی اور اہل خانہ کو ایک دوسرے کے ساتھ مل بیٹھنے کا موقع کم ہی ملتا تھا- لیکن اب چونکہ سب ایک ساتھ ہی گھر میں موجود رہتے ہیں تو یقیناً آپ کو احساس ہورہا ہوگا کہ ایک دوسرے کو سمجھنا کتنا ضروری ہے- یہاں تک کہ ایک دوسرے کو دیکھنا بھی ہمارے سے ذہنی صحت کی بہتری کے لیے بہت مددگار ہوتا ہے-

image


گھر سے کام
یقیناً ایسے افراد جو اپنے گھر سے پیشہ ورانہ امور سرانجام دے رہے ہیں وہ ایک دلچسپ تجربے سے گزر رہے ہوں گے- اگرچہ اس میں کچھ چیلنجز بھی ہیں جیسے کہ رابطوں میں مشکلات یا کمی اس کے علاوہ ذاتی اور پیشہ وررانہ زندگی میں توازن وغیرہ - لیکن پھر بھی ادارے یہ ضرور دیکھ رہے ہوں گے یہ بھی مستقبل کے لیے ایک بہترین آپشن ہے- اس عالمی وباﺀ کے دوران صنعت کو بچانے کے لیے کمپنیوں نے راتوں رات اپنے لاکھوں ملازمین کو ریموٹ ورکرز میں تبدیل کردیا ہے-

image


جنک فوڈ
گھر میں قید ہونا آپ کی صحت کے حوالے سے بھی بہترین ثابت ہورہا ہے- آپ کو اس وقت گھر کا صحت بخش کھانا میسر ہے اور آپ بازاری جنک فوڈ سے بالکل محفوظ ہیں جو کہ سراسر صحت کی تباہی کا سبب بنتا ہے- جنک فوڈ کی عادت کو چھوڑنے کے حوالے سے یہ بہترین وقت ہے جو مددگار ثابت ہوسکتا ہے-

image


عطیات
اگر ہم رقم کو دانشمندی سے خرچ کریں تو ہمارے پاس کوئی کمی نہیں۔ بہت سارے لوگ اب صدقہ کرنے میں مصروف ہیں۔ اس وقت نے غریبوں کی مشکلات کا احساس بھی پیدا کیا- ضرورت مند لوگوں کی مدد کرنا اور رفاہی مقصد کے لئے کام کرنا قابل تعریف ہے لیکن غریبوں کی مدد کے لئے کسی خاص وقت اور موقع کی ضرورت نہیں ہونی چاہیے- ان کاموں کو پورے سال ایک جیسی رفتار میں ہی جانا رہیے-

image


غیر ضروری اخراجات
اگر ہم اس وقت اخراجات کے حوالے سے خوداحتسابی کے عمل سے گزریں تو ہمیں اندازہ ہوگا کہ مارکیٹیں یا ریسٹورنٹس اور سیاحتی مقامات تک رسائی بند ہونے کے سبب ہم غیر ضروری اخراجات پر بھی کنٹرول رکھے ہوئے ہیں- عام حالات میں یہی اخراجات انتہائی ضروری معلوم ہوتے ہیں اور ہم رقم غیر ضروری خرچ کرتے ہوئے ایک لمحہ کے لیے سوچتے بھی نہیں-

image
YOU MAY ALSO LIKE: