|
ہم روزانہ سینکڑوں اشیاﺀ استعمال کرتے ہیں اور یہ ہماری عام روزمرہ استعمال
کی اشیاﺀ کہلاتی ہیں- لیکن ہماری لاپرواہی یہ ہے کہ ہم چند اشیاﺀ کے علاوہ
ان اشیاﺀ کی صفائی کا ہرگز خیال نہیں رکھتے- ہم اگر روزمرہ استعمال ہونے
والی اشیاﺀ کی صفائی کرتے بھی ہیں تو کئی ہفتوں یا پھر مہینوں بعد- ہماری
یہ بری عادت بھی ہماری صحت کو نقصان پہنچاتی ہے-
Your Keyboard
کمپیوٹر کی بورڈ ایسی چیز ہے جسے آپ روزانہ ہی استعمال کرتے ہیں- اس لیے یہ
جلد ہی جراثیموں سے آلودہ ہوسکتا ہے- گندگی اس کے اندر تک جاسکتی ہے اس لیے
ضروری ہے کہ اس کی صفائی روزانہ کی جائے-
|
|
Your Bed
اگرچہ ہر دن اپنے بیڈشیٹ اور تکیے دھونے زیادہ مشکل کام ہے ، لیکن روزانہ
کی بنیاد پر اپنے ذہنی اور جسمانی تندرستی کے لئے اپنے بستر کو صاف کرنا
انتہائی ضروری ہے۔ اس لیے جہاں تک ممکن ہو بستر کی صفائی کا خیال رکھیں-
|
|
Your Water Bottle
اگر آپ اپنی روز استعمال ہونے والی پانی کی بوتل روزانہ صاف نہیں کرتے ہیں
تو آپ بڑی غلطی کرتے ہیں آج سے روزانہ صفائی کی عادت کو اپنا لیں- ماہرین
کے مطابق اگر پانی کی بوتل کی صفائی نہ کی جائے تو اس میں بڑی تعداد میں
جراثیم جنم لینا شروع کردیتے ہیں-
|
|
Your Rings
اکثر افراد انگوٹھی پہننے کے عادی ہوتے ہیں بالخصوص خواتین کیونکہ یہ ان کے
ہاتھوں کی خوبصورتی میں اضافہ کرتی ہیں- لیکن آپ کو چاہیے کہ روزانہ
انگوٹھی کی صفائی کو بھی عادت بنائیں- ماہرین کے مطابق اگر انگوٹھی کی
صفائی نہ کی جائے تو یہ ایک ایسا مقام بن جاتی ہیں جہاں جراثیم باآسانی
اپنی نسل بڑھا سکتے ہیں-
|
|
Your Phone
آپ اپنے فون کو دن بھر میں متعدد بار چھوتے اور چہرے پر لگاتے ہیں- آپ ہاتھ
منہ تو دھو لیتے ہیں لیکن فون کو صاف نہیں کرتے- یقیناً اسے بھی صاف کرنا
اتنا ہی ضروری ہے جتنا کہ ہاتھ اور چہرے کو-
|
|
Your Remote Control
ریموٹ کنٹرول ایسی چیز سے ہے جو تقریباً گھر کے ہر فرد کے ہاتھ میں ہوتا ہے-
اس پر گندگی منتقل ہوتی رہتی ہے- اس لیے اس بات کو یقینی بنائیں کہ روزانہ
ریموٹ کنٹرول کی صفائی ضرور ہونی چاہیے-
|
|
Doorknobs
دروازے کا ہینڈل بھی ایسی ہی ایک چیز ہے جسے ہر کوئی استعمال کرتا ہے اور
ہر طرح کے ہاتھ لگتے ہیں- یقیناً اس میں کوئی شک نہیں کہ ان وجوہات کی بنا
پر یہ بھی جراثیموں سے آلودہ ہوجاتا ہے- اس لیے اپنے گھر کے دروازوں کے
ہینڈل کی روزانہ صفائی کو یقینی بنائیں یہ آپ اور آپ کے گھر والوں کی صحت
کے لیے ضروری ہے-
|
|