گوگل کی جانب سے COVID-19 کے دوران چھوٹے اور درمیانے کاروباری اداروں کے لیے ورچوئل ورکشاپس کا اہتمام

ابھی سائن اپ کیجیے اور اپریل /مئی میں دستیاب 4 تاریخوں میں سے ایک تاریخ کا انتخاب کیجیے

2020 گوگل نے COVID-19 کے دوران چھوٹے اور درمیانے کاروباری اداروں کے لیے ورچوئل ورکشاپس کا اہتمام کیا ہے۔ یہ ورچوئل ورکشاپس اُن چھوٹے اور درمیانے کاروباری اداروں کے لیے تیار کیے گئے ہیں جنہیں دنیا بھر میں ایسے چیلنجوں کا سامنا ہے جن کی پہلے کوئی مثال نہیں ملتی ہے اور ان کے سامنے ہمیشہ ”میں اپنے کسٹمرز اور عملے کے ساتھ کس طرح رابطے میں رہوں؟“ اور”اپنے کاروبار کو عمدگی سے چلانے کے لیے میں کیا طریقے استعمال کروں؟“ جیسے سوالات موجود رہتے ہیں۔جیسا کہ ہر بادل میں امید کی کرن موجود ہوتی ہے اسی طرح موجودہ غیریقینی صورت حال میں بھی کاروباری اداروں کے لیے موقع موجود ہے کہ وہ نئی ڈیجیٹل اسکلز کو ترقی دیں اور پہلے سے زیادہ مضبوط بن کر ابھریں۔

ریموٹ ورکنگ اور ڈیجیٹل میں تبدیلی کی غرض سے گوگل نے مفت ورچوئل ورکشاپ کا اہتمام کیا ہے جو گوگل کی جانب سے پاکستانی کاروباری اداروں کی مدد کے وعدے کا حصہ ہے ۔ یہ کورس فراہمی Growwith Googleپروگرام کی ٹیم نے تیار کیا ہے جسے ہم نے، COVID-19 کے محدود حرکت والے عرصے کے لیے ورچوئل میں تبدیل کیا ہے۔

اپنے لیے درج ذیل تاریخوں میں سے کسی بھی ایسی تاریخ کا انتخاب کیجیے جو آپ کے لیے بہت مناسب ہو۔مفت ورکشاپ کے لیے سائن اپ کیجیے جس میں ہینڈی ڈیجیٹل ٹولز پر توجہ دی گئی ہے اور اسی کے ساتھ ایسے چھوٹے کاروباری اداروں کے لیے مشورے اور ترکیبیں فراہم کی گئی ہیں جو اپنے کسٹمرز اور ملازمین، دونوں کے ساتھ رابطے میں رہنا چاہتے ہیں۔ہر سیشن کا دورانیہ ایک گھنٹہ ہے جس میں گوگل کے ٹرینرزتربیت دیں گے۔ ان سیشنز کو ریکارڈ نہیں کیا جا سکے گا، لہٰذا ان کو ضائع مت کیجیے۔
 

ورچوئل ورکشاپ میں شرکت نہیں کر سکتے؟ سیلف-اسٹڈی ایپ ڈاؤن لوڈ کر لیجیے
کاروبار کے ایسے مالکان جو ان ورکشاپس میں شرکت نہیں کر سکتے ہیں، وہ Google Primerایپ سے فائدہ اٹھا سکتے ہیں جو تیز اور آسان اسباق پر مشتمل ہے اور ان اسباقت کو صرف پانچ منٹ میں کیا جا سکتا ہے۔ Primerکاروبار، مارکیٹنگ، مینیجمنٹ اور دیگر بہت سے موضوعات پر سینکڑوں اسباق پیش کرتا ہے اور اسی کے ساتھ ذاتی ضرورت کے مطابق، اگلے اقدامات تجویز کرتا ہے تاکہ آپ اپنی اسکلز کو درست انداز میں استعمال کر سکیں۔

اس کے علاوہ، کاروباری ادارے، مزید مشورے اور تجاویز بھی تلاش کر سکتے ہیں جس سے ان کو Grow with Google ویب سائٹ پر اپنے کاروبار کو ترقی دینے میں مدد مل سکتی ہے۔ اس سے قطع نظر کہ آپ کا کاروبار کیا ہے، مثلاً اپنی ویب سائٹ بہتر بنانے کے لیے نفرادی تجاویزیا اپنے کسٹمرز کو بہتر طور پر سمجھنے جیسی نئی مہارتیں اور معلومات حاصل کیجیے تاکہ آپ کا کاروبارآن لائن ترقی کر سکے۔
 

ہمیں امید ہے کہ گوگل کے یہ وسائل پاکستان کےلیے کارآمد ہیں تاکہ ہم آئندہ پیش آنے والے مشکل دور سے نمٹ سکیں۔