|
اللہ کے گھر کی زيارت اور اس کا طواف ہر مسلمان کا خواب اور خواہش ہوتی ہے
ہر مسلمان اپنی زندگی کا ایک بڑا حصہ اس خواب کو دیکھنے اور اس کی تعبیر
پانے کے لیے اسباب جمع کرنے پر خرچ کرتا ہے- مگر اس بات میں بھی حقیقت ہے
کہ یہ خواب شرمندہ تعبیر صرف انہی کا ہوتا ہے جن کو سرکار بلاتے ہیں۔
مگر کچھ خاص لوگ ایسے بھی ہوتے ہیں جن کی حاضری خاص انداز میں لگوائی جاتی
ہے ایسے ہی ایک انسان جن کی شناخت سامنے نہیں آسکی آج سے بیس سال قبل حج کے
لیے خانہ خدا حاضر ہوئے اور وہاں جا کر انہوں نے ایک عالم دین شیخ محمد ال
رومی کو اپنے خواب سے آگاہ کیا جو انہوں نے دیکھا تھا ۔
ان کا خواب سننے کے بعد اس کی تعبیر بتاتے ہوئے شیخ صاحب نے کہا کہ اس خواب
کا مطلب یہ ہے کہ وہ اپنی زںدگی میں ایک بار طواف کعبہ اس حال میں کریں گے
جب کہ طواف کرنے والے واحد انسان وہ ہوں گے اور ان کے علاوہ طواف کرنے والا
کوئی اور نہ ہوگا ۔
بظاہر یہ ایک ناممکن سی بات تھی کیوں کہ خانہ کعبہ وہ واحد جگہ تھی جہاں دن
کے چوبیس گھنٹوں میں کوئی ایک لمحہ بھی ایسا نہ ہوتا تھا جب کہ وہاں طواف
جاری نہ رہتا اس وجہ سے اس شخص نے تعبیر سن کر خاموشی اختیار کر لی-
|