صرف 30 منٹ میں آپ اپنی زندگی کو تبدیل کرسکتے ہیں، جانیے کیسے؟

اپنی زندگی کو کامیاب بنانا کوئی آسان کام نہیں ہے اس کے لیے بے انتہا محنت کی ضرورت ہوتی ہے- لیکن اگر آپ صرف 30 منٹ خود کو دیں تو آپ اپنی زندگی ایک بڑی حد تک تبدیل کرسکتے ہیں- یہ 30 منٹ آپ کی زندگی میں ایسی کئی تبدیلیاں لا سکتی ہیں جو آپ کے پیشہ ورانہ امور اثر انداز ہوں گی اور آپ کی تخلیقی صلاحیتوں میں بھی اضافہ کریں گی-

30 منٹ کی ورزش
دفتری اوقات کے دوران گھنٹوں کرسی پر بیٹھے رہنا آپ کی صحت کے لیے خطرناک ثابت ہوسکتا ہے- لیکن اس سب سے محفوظ رہنے کے لیے آپ کو دن اختتام پر صرف اتنا کرنا ہے کہ 30 منٹ تک Full-body stretch ورزش کرنی ہے- اور اس ورزش کے دوران سانس کو بھی بہتر انداز میں مکمل طور پر اندر لینا اور باہر نکالنا ہے- یہ عمل نہ صرف آپ کے دماغ کو تروتازہ بناتا ہے بلکہ آپ کی صحت کو بھی بہتر بناتا ہے-

بیٹھنے کا انداز
دن بھر لیپ ٹاپ پر کام کے دوران مختلف انداز سے بیٹھنا دراصل غلط انداز سے بیٹھنا ہوتا ہے جو کہ آپ کو صحت کے کئی مسائل کا شکار بنا سکتا ہے جن میں کمر درد اور سانس کے مسائل بھی شامل ہیں- لیکن اگر دن بھر میں کام کے دوران صرف 10 سے 15 منٹ کے لیے بھی درست انداز میں بیٹھ جائیں تو آپ ان مسائل سے کسی حد تک محفوظ رہ سکتے ہیں- اور اس عمل کی وجہ سے آپ دن بھر چاق و چوبند رہیں گے-

پرانے دوستوں سے بات
کسی دوست کو فون ملانے میں آپ کو زیادہ وقت نہیں لگتا- لیکن اس چھوٹے سے عمل سے آپ کے مزاج میں خوشگوار تبدیلی واقع ہوسکتی ہے- صرف چند منٹ کسی پرانے دوست سے فون پر بات کرلینا ہی آپ کو مختلف قسم کے دباؤ سے نجات دلوا سکتا ہے- یقیناً دباؤ سے نکلنا آپ کی زندگی پر گہرے اثرات مرتب کرتا ہے-

دوستوں سے ملاقات
بےشک دوستوں یا گھر والوں سے ملاقات اور ان کے ساتھ وقت گزارنے کے لیے 30 منٹ سے کئی زیادہ کا وقت درکار ہوتا ہے- لیکن اگر آپ مختصر وقت کے لیے بھی ان لوگوں سے ملاقات کر لیں تو یہ آپ کی زندگی کے سب سے قیمتی لمحات بن جاتے ہیں- اس طرح آپ کے مزاج میں ایسی مثبت تبدیلیاں واقع ہوں گی جو آپ کی پیشہ ورانہ اور کی سرگرمیوں کی انجام دہی کے لیے حوصلہ افزائی کا باعث بنیں گی-

کسی کی مدد
کسی بھی شخص کی ایک یا دو کاموں میں مدد کردینا زیادہ وقت طلب نہیں ہوتا- مدد کرنے کا عمل آپ کو ایک بہتر انسان بناتا ہے- چاہے یہ مدد بظاہر بہت معمولی ہی کیوں نہ معلوم ہو لیکن ضرور کیجیے- مثلاً کسی ایسے شخص کے لیے دروازہ کھولنا جس کے ہاتھوں بہت سا سامان ہو یا پھر کسی بزرگ پڑوسی کو دکان سے سامان لا کر دینا وغیرہ یہ سب دیکھنے بہت آسان کام ہیں لیکن حقیقت میں یہ بہت بڑے ہیں-

قیلولہ
دن کے وقت صرف 20 منٹ کے لیے سونا آپ کے رویے کو مثبت بناتا اور ساتھ ہی آپ کی جسمانی توانائی میں بھی اضافے کا باعث بنتا ہے- اس کے علاوہ قیلولہ کرنے سے آپ میں کسی کام پر توجہ مرکوز کرنے کی صلاحیت میں بھی اضافہ ہوجاتا ہے-

گرم پانی سے غسل
صرف 30 منٹ تک نیم گرم پانی سے نہانا آپ کی زندگی میں بہتری لاتا ہے اور ساتھ آپ کو پرسکون بناتا ہے- گرم پانی جسم اور دماغ دونوں کے لیے متعدد فوائد رکھتا ہے- یہ صرف آپ کے پٹھوں کو ہی آرام نہیں پہنچاتا بلکہ آپ کو دباؤ سے بھی نکالتا ہے-