|
دنیا میں متعدد افراد کو نیند میں کچھ وقت کے لیے عارضی طور پر جسم مفلوج
ہونے کی شکایت ہوتی ہے اور یہ ایک انتہائی خوفناک لمحہ ہوتا ہے- اس لمحہ
میں انسان اپنی جسم کو نہ تو حرکت دے سکتا ہے اور نہ ہی چیخ سکتا ہے- اس
حالت کو Sleep Paralysis کہا جاتا ہے-
اکثر افراد اسے شیطانی قوتوں کے زیرِ اثر ہونے سے تعبیر کرتے ہیں جبکہ بعض
افراد کے نزدیک یہ خون کی کمی کی وجہ سے ہوتا ہے- لیکن اس سب کی حقیقت کیا
ہے اور سائنس اس حوالے سے کیا کہتی ہے؟ آئیے جانتے ہیں-
اس خوفناک حالت کا شکار عموماً 16 سے 45 سال کی عمر کے درمیان والے افراد
ہوتے ہیں- اس میں آپ ایک خوفناک خواب کی وجہ سے جاگ جاتے ہیں لیکن اس حالت
میں نصف جاگے اور نصف سوئے ہوتے ہیں-
نیند میں جسم مفلوج ہونے کے اس خوفزدہ کر دینے والے لمحات میں انسان اپنے
پٹھوں کے حرکت دینے کے قابل نہیں ہوتا اور ساتھ ہی کچھ لمحوں کے لیے وہ
بولنے کی صلاحیت بھی نہیں رکھتا- یہ ایسے ہوتا ہے کہ جیسے آپ کا دماغ تو
جاگ رہا ہے لیکن آپ کا جسم سو رہا ہے اور ایسی کیفیت کو REM sleep کہا جاتا
ہے- اس میں لوگوں کو بہت ہی عجیب طرح کے احساس یا دھوکے پر مبنی منظر
دکھائی دیتے ہیں-
|