|
|
اولاد تو سب کو ہی پیاری ہوتی ہے اور خاص طور پر جب وہ پیدا ہو رہی ہو تو ماں باپ
کو فکر ہوتی ہے کوئی ایسا نام رکھنے کی جو کسی کا نا ہو اور کچھ نیا اور مختلف
ہو۔۔۔لیکن اکثر یہ نام لوگوں کو کنفیوز کردیتا ہے۔۔۔شوبز ستاروں کے بچے بھی پیدائش
کے ساتھ ہی اسٹار ہوتے ہیں اس لئے ان کے ناموں کا اندازہ ہوجاتا ہے۔۔۔کہ ماں باپ نے
کتنا دھونڈ کر رکھا ہے یہ نام |
|
سید جبران کے بچوں کے نام |
اداکار سید جبران نے ڈرامہ ’’چپ رہو‘‘ اور رانجھا رانجھا کردی میں اپنی
اداکاری کے شاندار جوہر دکھائے۔۔۔ان کی فیملی بلاشبہ انڈسٹری کی خوبصورت
ترین فیملیز میں آتی ہے۔۔لیکن انہوں نے بچوں کے نام رکھنے میں باقی لوگوں
کو مشکل میں ڈال دیا۔۔۔بہت سوچ سمجھ کر پکارے جاتے ہیں کہ کہیں کوئی غلطی
ہی نا ہوجائے۔۔۔بڑے بیٹے کا نام یویل جبران، پھر بیٹی کا نام ایوا اور
چھوٹے بیٹا کا ایسائیا ہے۔۔۔یہ ایسے نام ہیں جن کے مطلب تو خوب ہیں لیکن
پکارنا بہت مشکل |
|
|
صنم جنگ کی بیٹی کا نام |
مارننگ شو کی میزبان اور اداکارہ صنم جنگ نے اپنی بہت پیاری سی بیٹی کا نام
الایا رکھا۔۔۔اس نام کا مطلب ہے بہت اونچا مقام پانے والی۔۔۔ماں باپ نے یہ
انوکھا اور بہت اچھے معنی رکھنے والا نام اپنی بیٹی کے لئے چنا۔۔۔یقیناً اس
نام کو رکھنے میں دونوں ماں اور باپ کی محبت کا عکس نظر آتا ہے۔۔۔ |
|
|
شاہد آفریدی کی بیٹیوں کے نام |
کرکٹر شاہد آفریدی کے اپنی بیٹیوں کے نام رکھنے میں معنی اور خوبصورتی کا
بہت خیال رکھا۔۔۔ان کی ایک بیٹی کا نام ہے ’’انشا‘‘جس کا مطلب ہے آغاز لینے
والی، شروع کرنے والی ۔۔۔اس نام کے معنی ایک بیٹی کے لئے بہت ہمت والے
ہیں۔۔۔یعنی کسی بھی کام کو شروع کرنے والی بنے۔۔۔انہوں نے اپنی باقی بیٹیوں
کے نام بھی ہٹ کر رکھے۔۔۔جن میں اجوہ اور اسمارہ بھی شامل ہیں۔۔۔ |
|
|
دانش اور آئزہ کی بیٹی کا نام |
اداکار دانش تیمور اور آئزہ خان نے اپنی بیٹی کا نام بہت ہی خوبصورت
رکھا۔۔۔حورین۔۔۔اس کا مطلب ہے خوبصورت آنکھوں والی، جنت کی عورت، جنت کی
دوست۔۔۔اس نام کا مطلب بھی خوبصورت ہے اور نام بھی مختلف۔۔۔ |
|
|
آمنہ شیخ اور مہیب مرزا کی بیٹی کا نام |
اداکارہ آمنہ شیخ اور مہیب مرزا گو اب ساتھ نہیں لیکن شادی کے کئی سال بعد
جب بیٹی کی خوشی ملی تو وہ دونوں ایک ساتھ ہی تھے اور انہوں نے بہت سوچ کر
اس کا نام ’’مائسا‘‘ رکھا۔۔۔یہ بہت انوکھا اور خوبصورت نام ہے جس کا مطلب
ہے ستاروں کے جھمگٹے میں سب سے چمکتا ہوا ستارہ۔۔۔دعا ہے کہ ان کے یہ خواب
نام کے مطلب کی پورے ہوں- |
|