لاکھ صفائی کرلیں٬ 7 چیزیں پھر بھی گھر کو گندا ظاہر کرتی ہیں

 
صاف ستھرا گھر نہ صرف اچھا نظر آتا ہے بلکہ اس کے مثبت اثرات بھی مرتب ہوتے ہیں۔ گھر کو ہمیشہ صاف ستھرا اور منظم رکھنا چاہیے۔ کسی بھی طرح کی بے ترتیبی خلل اور نفی پیدا کرتی ہے۔ بعض اوقات ہم گھر کی صفائی تو دل و جان سے کرتے ہیں لیکن پھر بھی چند چیزوں کو نظر انداز کرجاتے ہیں جس کی وجہ سے لاکھ صفائی کے باوجود دیکھنے والوں کو گھر گندا یا بدنما ہی محسوس ہوتا ہے- وہ چیزیں کونسی ہیں آئیے ہم آپ کو بتاتے ہیں-
 
کچن سلیب پر چیزوں کا ہجوم
یہ ہم سب جانتے ہیں کہ کچن کی سلیب پر متعدد چیزیں بکھری ہوئی ہوتی ہیں لیکن یہی بےترتیبی ہی کچن کو گندا بھی ظاہر کرتی ہے- آپ کو چاہیے اپنے کچن کی سلیب پر کم چیزیں رکھیں اور وہ بھی ترتیب کے ساتھ- کچن میں ایک وقت میں ایک کام سرانجام دیں اور ایک کام مکمل ہونے کے بعد صفائی کریں اور پھر دوسرے کام کا آغاز کریں-
 
بدبودار پوچا اور صفائی کے کپڑے
اگر آپ کے صفائی کے لیے استعمال ہونے والے کپڑے اور وائپر وغیرہ گندے اور بدبودار گھر کے کسی کونے میں پڑے نظر آئیں تو یہ بھی منفی اثرات مرتب کرتے ہیں- اس لیے ان اشیاﺀ کا بھی خیال رکھنا ضروری ہے اگر یہ چیزیں بھی کچن میں صاف اور ترتیب سے موجود ہوں گی تو کچن خوبصورت نظر آئے گا-
 
ڈائننگ ٹیبل پر پھیلی ہوئی چیزیں
ہم میں سے بیشتر لوگ اس جانب توجہ نہیں دیتے لیکن اپنے کھانے کی میز کو صاف ستھرا اور بے ترتیبی سے پاک رکھنا بہت ضروری ہے۔ ہم سمجھتے ہیں کہ کٹلری، ٹشوز ، نمک اور کالی مرچ، چٹنی اور اچار کھانے کے دوران آپ کے قریب ہونے چاہئیں، لیکن اس کا مطلب یہ نہیں ہے کہ آپ اپنے کچن کے دراز کو ہی میز پر لے آئیں۔
 
کپڑوں کی باسکٹ بغیر ڈھکن کے
لانڈری باسکٹ کمرے کو بدبودار اور گندے کپڑوں کی وجہ سے بدنما بناتی ہے- ہمیشہ کوشش کریں کہ لانڈری باسکٹ ایسی خریدیں جس کے اوپر ڈھکن ہو- تاکہ اگر اسے بیڈروم میں رکھ بھی دیا جائے تو وہ بدصورت نہ لگے-
 
بالکونی
اکثر اوقات دیکھا گیا ہے کہ چھوٹے گھروں کی بالکوںیاں پودوں اور کرسیوں سے بھری ہوئی ہوتی ہیں- اپنی بالکونی میں کم سے کم سامان رکھیں اور اگر آپ یہاں پودے لگانا چاہتے ہیں تو بیٹھنے کے انتظام کا بھی خیال رکھیں اور جگہ بےجا تنگ نہ کریں-
 
بجلی کے بٹن
بجلی کے گندے بورڈ اور بٹنوں کی وجہ سے بھی گھر کی خوبصورتی ماند پڑ جاتی ہے- گھر میں جب رنگ کروائیں یا صفائی کا اہتمام کریں تو ان بورڈز کو بھی ضرور صاف کروائیں-
 

کچرے کا ڈبہ

کوئی بھی کچرے کا کھلا ڈبہ پسند نہیں کرتا اس کے علاوہ یہ بدبو دار بھی ہوتا ہے- ہمیشہ کچرے کا ایسا ڈبہ گھر میں رکھیں جس کے اوپر ڈھکن بھی موجود ہو- اور اس ڈبے کو ہمیشہ گھر میں ایسی جگہ پر رکھیں جہاں کسی کی نظر نہ پڑ سکے-

Most Viewed (Last 30 Days | All Time)

Comments

آپ کی رائے
You are right
By: Faysal Hamdani, Daska on Jul, 16 2020
Reply Reply
0 Like
Language: