میری پرانی تمہاری نئی سے زیادہ اچھی ہے ---- چند چیزیں ہمیشہ پرانی ہی خریدنی چاہئیں

 
پرانی مصنوعات خرید کر نہ صرف آپ اپنی مقامی معیشت کو سہارا دے رہے ہوتے ہیں بلکہ اس کی کوئی اور مثبت وجوہات بھی ہوتی ہیں- بعض اوقات استعمال شدہ اشیاﺀ خرید کر آپ ماحول کو آلودگی سے بھی بچا رہے ہوتے ہیں اور اپنی رقم کی بچت بھی کر رہے ہوتے ہیں- بعض چیزیں نئی کے بجائے پرانی خریدنا زیادہ بہتر ہوتا ہے- آئیے چند ایسی ہی چیزوں کے بارے میں بتاتے ہیں جنہیں سیکنڈ ہینڈ خرید کر بھی آپ فائدہ اٹھا سکتے ہیں-
 
فرنیچر
عام طور پر پہلے فرنیچر بہترین لکڑی سے تیار کیا جاتا تھا لیکن اب ایسا کم ہی دیکھنے کو ملتا ہے- یہی وجہ ہے کہ اگر ممکن ہو تو نئے کے مقابلے میں پرانے فرنیچر کو ترجیح دینی چاہیے-آپ پرانے فرنیچر کو خرید کر اسے پالش کر کے بالکل نئے جیسا بنا سکتے ہیں جبکہ وہ لکڑی کے اعتبار سے معیاری بھی ہوگا-
 
کتابیں
پرانی کتابیں خریدنے سے بہت بچت ہوگی جب تک کہ وہ پڑھنے کے قابل ہیں اور صحیح حالت میں ہیں- ایک سیکنڈ ہینڈ کتاب خریدنا ماحول دوست عمل بھی ثابت ہوسکتا ہے کیونکہ اس طرح درخت بھی محفوظ رہیں گے-
 
سائیکل
سیکنڈ ہینڈ سائیکل نئی جتنا اچھا کام کرسکتی ہے۔ رقم کی بچت کے علاوہ، استعمال شدہ سائیکل خریدنے کا ایک فائدہ یہ بھی ہے کہ اگر اس کے کچھ حصوں کو تبدیل کرنے کی ضرورت ہو تو وہ سستے بھی مل جاتے ہیں۔
 
گھریلو آلات
گھریلو ایپلائینسز جیسے واشنگ مشینیں، فریج اور اسی طرح دیگر آلات اچانک کام کرنا چھوڑ سکتے ہیں۔ ممکن ہے کہ یہ ٹھیک نہ ہوں اور آپ کو فوراً نئے خریدنے کی ضرورت پڑسکتی ہے، لیکن نیا بہت مہنگا ہے۔ اس معاملے میں استعمال شدہ سامان آپ کی زندگی کو بچائے گا۔ آپ کو کچھ عمدہ حالت میں یہ سامان مل سکتا ہے- لیکن اس کے لیے جہاں سے یہ سیکنڈ ہینڈ سامان خرید رہے ہیں اس جگہ کے بارے میں تسلی کر لیں تاکہ کوئی فراڈ نہ ہو- بعض اوقات اکثر مالکان اپنے گھر میں تبدیلی کرتے ہوئے یہ آلات نئے ماڈل کے خرید کر کے پرانے فروخت کردیتے ہیں جو کہ عام طور پر طویل عرصے تک کارآمد رہتے ہیں۔
 
کمپیوٹر
اگر آپ نئے کمپیوٹر پر بہت زیادہ رقم خرچ نہیں کرنا چاہتے ہیں تو استعمال شدہ کمپیوٹر کی خریداری بھی ایک مناسب آپشن ہے- اگر پرانے کمپیوٹر کو اچھی طرح سے بحال رکھا گیا ہے تو آپ کو احساس تک نہیں ہوگا کہ آپ پرانا لیپ ٹاپ یا کمپیوٹر استعمال کر رہے ہیں۔
 
اوزار
ہاتھ والے اوزار ہر گھر کی ضرورت ہوتے ہیں لیکن انہیں چاہے پرانا بھی خرید لیں تو کوئی فرق نہیں پڑتا- یہ ہمیشہ ایک جیسا ہی کام کرتے ہیں اور یہ ایسی دھات سے تیار کیے جاتے ہیں جو طویل عرصے تک قابلِ استعمال رہتی ہے- اس لیے نئے اوزاروں پر رقم خرچ کرنے کے بجائے پرانے اوزار خرید کر پیسوں کی بھی بچت کریں-
Most Viewed (Last 30 Days | All Time)

Comments

آپ کی رائے
Language: