روزانہ ایک سیب کھانا بعض اوقات فائدہ مند ہونے کے بجائے بڑے نقصان کا باعث کس طرح ہو سکتا ہے؟ جانیں

 
روزانہ ایک سیب کھانا آپ کو ڈاکٹر سے دور رکھتا ہے یہ وہ کہاوت ہے جس کو ہم بچپن سے سنتے آرہے ہیں اور ہم میں سے زیادہ تر کا یہ ماننا ہے کہ سیب صحت کے لیے بہت مفید ہوتا ہے اور اس کو کھانے سے جسم میں طاقت آتی ہے خون بڑھتا ہےاور ہر کمزوری کا علاج سیب کھانا ہے ۔ اس میں کسی حد تک صداقت بھی ہے مگر یہ بھی ایک حقیقت ہے کہ سیب کا زیادہ استعمال صحت کو فائدہ پہنچانے کے بجائے نقصان پہنچانے کا سبب بھی بن سکتا ہے اور انسان کو بڑی بڑی بیماریوں مین مبتلا کر سکتا ہے- آج ہم آپ کو کچھ ایسے ہی نقصانات کے بارے میں بتائيں گے جو کہ سیب کے استعمال کے سبب ہو سکتے ہیں-
 
1: شوگر لیول میں اضافہ کر دیتا ہے
سیب کے اندر بڑی مقدار میں فائبر ، کاربوہائیڈریٹ اور وٹامن موجود ہوتے ہیں جو صحت کے لیے بہت اچھے ہوتے ہیں- مگر سیب کے زیادہ استعمال کے سبب کاربوہائیڈریٹ کی جسم میں شرح میں اضافہ ہو جاتا ہے جس سے جسم کے اندر شوگر لیول بڑھ سکتا ہے جس سے چکنائی کی شرح بڑھنے کے امکانات میں بھی اضافہ ہوتا ہے-
 
2: وزن بڑھ جاتا ہے
ایک عام جسامت کے سیب میں 90 سے 95 کیلوریز ہوتی ہیں اور اگر روزانہ ایک سیب کا استعمال کیا جائے تو اس سے جسم میں روزانہ کی بنیاد پر ان کیلوریز کا اضافہ ہوتا ہے جس کو اگر جسمانی ورزش کے ذریعے کم نہ کیا جائے تو اس سے وزن میں خاطر خواہ اصافہ دیکھنے میں آتا ہے-
 
 
3: دل کی بیماری کے خطرات میں اضافہ کرتا ہے
سیب کے اندر فرکٹوز موجود ہوتا ہے یہ صرف اور صرف جگر سے خارج کیے جانے والے خامروں کی مدد ہی سے ہضم ہو سکتا ہے اور اس کے ہضم ہونے کے سبب نقصان دہ چربی پیدا ہوتی ہے جو کہ دل کی صحت کے لیے بہت خطرناک ہوتی ہے اور اس چربی کی خون میں شرح بڑھنے کے سبب دل کے دورے کے خطرات بھی بڑھ جاتے ہیں-
 
4: سیب کے بیچوں میں خطرناک زہر موجود ہوتا ہے
سیب کے بیچ ایک خطرناک زہر سائنائڈ کا حامل ہوتا ہے جو کہ جان لیوا ثابت ہو سکتا ہے ایک پیالی سیب کے بیچ کسی کو بھی ہلاک کرنے کے لیے کافی ہوتے ہیں اس وجہ سے سیب کو کبھی بھی بیچ سمیت نہیں کھانا چاہیے ہے-
 
5: سیب کے نظام انہضام پر اثرات
سیب کا اگر زیادہ استعمال کیا جاۓ تو اس کے اندر موجود فائبر اور فولاد نظام انہضام پر انتہائی منفی اثرات مرتب کرتے ہیں اور اس کے سبب دست و قے آنے کے امکانات بھی موجود ہوتے ہیں-
 
 
6: دانتوں کو کمزور کرتا ہے
سیب کے اندر موجود تیزابی اثرات کے سبب اس کا زیادہ استعمال دانتوں کے لیے نقصان دہ ثابت ہو سکتا ہے وہ دانتوں کے اوپر موجود حفاظتی تہہ کو چھیل کر ختم کر دیتا ہے جو کہ خطرناک ثابت ہو سکتا ہے-
Most Viewed (Last 30 Days | All Time)
12 Aug, 2020 Views: 3592

Comments

آپ کی رائے