شہد کی مکھیاں کیسے بات کرتی ہیں؟

مکھیوں کو پھولوں کا رس چوسنے اورخوارک لانے میں وقت لگ سکتاہے، کیونکہ جب تک وہ واپس آتی ہے سورج اپنی جگہ سے حرکت کرچکا ہوتاہے،کیونکہ سورج ہر چارمنٹ بعد ایک ڈگری حرکت کرتاہے۔ اس طرح اگر شہد کی مکھی کو چھتے تک آنے میں 4منٹ لگتے ہیں تو پھر ان کی بتائی گئی ڈگری کی سمت میں تبدیلی ہوسکتی ہے اور وہ غلط جگہ پہنچ سکتی ہے لیکن ایسا نہیں ہوتا۔ کیونکہ اس کی آنکھیں اتنی تیز ہوتی ہیں کہ وہ بتائی گئی جگہ یا اپنی منزل پر پہنچنے کے دوران شعاعوں میں تبدیلی کو دیکھ کر بتائے گئے فاصلے میں اسے جمع، تفریق کرلیتی ہیں اور اپنی سمت درست کرلیتی ہیں،اس طرح انہیں کبھی بھی غلط سمت جانا نہیں پڑتا۔شہد کی مکھیوں میں اللہ تعالیٰ نے یہ صلاحیت دی ہے کہ وہ اپنی منزل کی صحیح سمت کا تعین کرنے میں کوئی گڑبڑ نہیں کرسکتیں، جب بہت مکھیاں رس چوسنے آچکی ہوں اور اس پھول سے رس ختم ہوگیا ہو تو وہ آخری مکھی اس پھول پر ایک خوشبودار مادہ چھوڑدیتی ہے، جس کے بعد آنے والی مکھیاں سمجھ جاتی ہیں کہ اس پھول میں اب رس ختم ہوگیا ہے او ر وہ کسی دوسرے پھول کی تلاش میں نکل پڑتی ہیں۔یوں پھولوں کی تلاش کے ساتھ ساتھ ان کے گروہ کے خوارک کا عمل بھی جاری رہتا ہے۔