|
|
| |
| اولاد انسان کے لیے نعمت بھی ہوتی ہے مگر بعض اوقات یہی
اولاد انسان کے لیے آزمائش کا باعث بھی بن جاتی ہے- اولاد کا دکھ انسان کے
لیے سب سے بڑا دکھ ہوتا ہے اور اس کی خواہش ہوتی ہے کہ وہ خود ہر |
| |
| ایسے ہی ایک انسان سعودی عرب کے رہائشی محمد العبد
الہادی بھی ہیں جن کو اللہ نے تین بیٹوں اور ایک بیٹی سے نوازہ مگر بدقسمتی
سے کسی عارضے کے سبب ان کی چاروں اولادیں چشم بینا سے محروم تھیں ۔ چار چار
اولادوں کی معذوری ایک ایسا دکھ ہوتا ہے جس کو صرف وہی سمجھ سکتا ہے جس کو
اللہ نے یہ دکھ دیا ہوتا ہے- |
| |
| ہر باپ کی طرح محمد العبد الہادی کی بھی خواہش تھی کہ ان
کے بچوں کا مستقبل محفوظ ہو اور وہ تعلیم حاصل کریں اور دنیا میں کامیاب
انسان کے طور پر اپنی خدمات انجام دیں مگر ان کی معذوری کے سبب وہ عام بچوں
سے بہت مختلف بچے تھے- |
| |
|
|
| |
| اس وقت میں ایک باپ نے اپنے بچوں کی تعلیم کے لیے ایک
بڑا فیصلہ کیا اور انہوں نے اپنے بچوں کو دنیاوی تعلیم کے ساتھ ساتھ دینی
تعلیم سے آراستہ کرنے کا فیصلہ کیا اور انہوں نے اپنے بچوں پر زور دیا کہ
اگر وہ قرآن کو دیکھ کر نہیں پڑھ سکتے تو کوئی بات نہیں ہے اس کے بجائے
انہوں نے بچوں کو اس بات پر زور دیا کہ وہ قرآن کو حفظ کرنا شروع کر دیں- |
| |
| ان کے بڑے بیٹے عباد نے قرآن کے آٹھ پارے حفظ کر لیے ہیں
جب کہ باقی بیٹے عبدالہادی اور عبداللہ اور ایک بیٹی منیرہ بھی قرآن حفظ کر
رہے ہیں- محمد العبد الہادی کا اس حوالے سے یہ کہنا ہے کہ ان کی خواہش ہے
کہ ان کے بچے صرف قرآن حفظ کرنے پر اکتفا نہ کریں بلکہ مکمل دینی تعلیم
حاصل کریں وہ اپنی معذوری کو تعلیم کی راہ میں آڑے نہ آنے دیں اور
مکمل اعتماد کے ساتھ دنیا کا سامنا کریں اور ایک مکمل انسان کی صورت میں
ابھریں اور چاروں بہن بھائی قرآن کی حفظ کی تکمیل کے بعد دنیا کے سامنے ایک
مثال بنیں اور خود اعتمادی کے ساتھ اس دنیا کا سامنا کریں- |