چیونگم چبانے کے فائدے تو ہوتے ہیں مگر کیا آپ جانتے ہیں کہ اس کو چبانے سے آپ کا چہرہ بدصورت بھی ہو سکتا ہے

 
ایک زمانے میں بڑوں کے سامنے ببل گم کو چبانا بدتمیزی تصور کیا جاتا تھا مگر وقت کے ساتھ اس نظریے میں تبدیلی واقع ہوئی اور لوگ محفلوں میں ببل گم چبانے کی عادت کو خود کو کول ثابت کرنے کے لیے بھی کرتے ہیں- چیونگم کو چبانے کے حوالے سے ماہرین کا یہ ماننا ہے کہ یہ کسی حد تک ایک اچھی عادت ہے اور اس کے انسانی صحت پر بہت مثبت اثرات مرتب ہوتے ہیں مگر اس کے ساتھ ساتھ اس کے کچھ نقصانات بھی ہوتے ہیں جن کے بارے میں آگہی بہت ضروری ہے-
 
1: چیونگم چبانے کے فوائد
امریکی ڈینٹل ایسوسی ایشن کے ماہرین کے مطابق شوگر فری چیونگم کا استعمال انسانی صحت کے لیے بہتر ہوتا ہے اور میٹھی چیونگم کے مقابلے میں اس کے فوائد بھی زیادہ ہوتے ہیں- اس لیے ماہرین عام طور پر شوگر فری چیونگم ہی چبانے کو تجویز کرتے ہیں جن سے بہت سارے فوائد حاصل کیے جا سکتے ہیں جن میں سے کچھ یہ ہیں-
• شوگر فری چیوںگم کو چبانے سے دانتوں کی صفائی ہوتی ہے اس کا پلاک صاف ہوتا ہے اور دانت مضبوط ہوتے ہیں اور کیڑا لگنے سے محفوظ رہتے ہیں
• چیونگم کو چبانے سے دوران خون میں اضافہ ہوتا ہے اور اس سے دماغ کو ملنے والے خون کی مقدار بہتر ہوتی ہے جس سے یاداشت میں بہتری آتی ہے اور دماغ کے افعال میں بہتری آتی ہے
• چیونگم کے چبانے سے منہ کے اندر زیادہ تھوک پیدا ہوتی ہے جس سے معدے کے اندر تیزابیت کا خاتمہ ہوتا ہے اور ہاضمے کا عمل بہتر ہوتا ہے
• کھانے کے آدھے گھنٹے بعد چیونگم کو چبانے سے کھانا جلدی ہضم ہوتا ہے
 
2: چیونگم چبانے کے نقصانات
معدے کے مسائل
کھانا کھانے کے بعد معدے کو کچھ وقت اس کھانے کو قابل ہضم بنانے کے لیے درکار ہوتا ہے جس کے لیے معدے کے اندر موجود تیزاب اثر انداز ہوتا ہے مگر اگر چیونگم چبانے کے سبب تھوک کا زیادہ اخراج اس تیزاب کے اثرات کو کمزور کر دیتا ہے جس کے سبب بعض اوقات معدے کو کھانا ہضم کرنے میں مشکلات کا سامنا بھی کرنا پڑ سکتا ہے-
 
 
دانتوں کا سڑنا
شوگر فری کے بجائے اگر میٹھی چیونگم چبائی جائے تو اس کی مٹھاس دانتوں کے ساتھ چپک جاتی ہے اور اس کے سبب دانت مستقل مٹھاس کے سبب گلنا اور سڑنا شروع ہو جاتے ہیں اور کمزور ہو سکتے ہیں-
 
گردے کے مسائل
دانتوں کے خراب ہونے کے سبب ان میں بننے والا پس جسم کے اندر غذا کے ساتھ داخل ہوتا ہے جو کہ براہ راست گردوں کو متاثر کرتا ہے اور ان میں انفیکشن کا سبب بن سکتا ہے-
 
 
چہرے کے مسلز پر اثر
مستقل طور پر چیونگم چبانے سے درحقیقت آپ کے جبڑے اور چہرے کے عضلات حالت ورزش میں رہتے ہیں جس سے چہرے کے نقش و نگار پر اثر پڑ سکتا ہے اور جبڑے کی ہڈی ابھر آتی ہے جس سے چہرہ کرخت اور بدصورت ہو سکتا ہے-
Most Viewed (Last 30 Days | All Time)
24 Sep, 2020 Views: 409

Comments

آپ کی رائے