|
|
ہم کھانے پینے کی اشیاﺀ کو معیاد ختم ہونے کے بعد
پھینکنے میں نہیں ہچکچاتے ، کیونکہ ہم جانتے ہیں کہ وہ ہماری صحت کو نقصان
پہنچا سکتی ہیں۔ لیکن حقیقت میں ، ہمارے گھر میں کئی اور ایسی دوسری چیزیں
بھی موجود ہوتی ہیں جنہیں ہم مستقل استعمال کر رہے ہوتے ہیں جبکہ ان کی
زندگی ختم ہوچکی ہوتی ہے۔ |
|
Mascara |
آنکھوں کے میک اپ کی مصنوعات کی زندگی بہت مختصر ہوتی ہے۔
مسکارا کا شمار بھی ایسی ہی مصنوعات میں ہوتا ہے- جب آپ مسکارا استعمال
کرتے ہیں تو آپ کی پلکوں پر موجود جراثیم اس کے برش پر آجاتے ہیں جو کہ بار
بار استعمال کی وجہ سے بڑھنے لگتے ہیں- ماہرین کے مطابق مسکارا کو تین ماہ
سے زیادہ استعمال نہیں کرنا چاہیے ورنہ آنکھوں کے انفیکشن کا سامنا کرنا پڑ
سکتا ہے- |
|
|
Foundation |
فاؤنڈیشن کو اوسطاً ایک سال تک استعمال کیا جاسکتا ہے
اگر ہم اسے احتیاط کے ساتھ رکھیں- لیکن جب اسے آپ استعمال کے لیے اسپنج یا
انگلیوں پر لگاتے ہیں تو جراثیم فاؤنڈیشن کی ٹیوب میں داخل ہوجاتے ہیں-
ایسی صورتحال میں فاؤنڈیشن کو 6 ماہ سے زیادہ استعمال نہیں کرنا چاہیے ورنہ
کیل مہاسوں اور جلد کے دیگر مسائل کا سامنا کرنا پڑ سکتا ہے- |
|
|
Detergent |
بوتل کھولنے کے بعد واشنگ جیل ڈٹرجنٹ 6 ماہ تک اپنی
خصوصیات برقرار رکھتے ہیں۔ لیکن کپڑے وغیرہ دھونے کا پاؤڈر زیادہ دیر تک چل
سکتا ہے اگر اس میں نمی نہ آئے تو۔ |
|
|
Toilet brush |
ہفتہ وار برش سے ٹوائلٹ کی صفائی کے بعد آپ کو اب سمجھنے
کی ضرورت ہے کہ اس پر موجود تمام بیکٹیریا سے نجات پانا ممکن نہیں ہوگا- اس
کا مطلب ہے کہ یہ اتنا مؤثر نہیں ہوگا۔ جب اس کے شاخیں خراب ہوجاتی ہیں یا
پیلے رنگ میں پڑنا شروع ہوجاتی ہیں آپ کو برش کو تبدیل کرنے کی ضرورت ہے ۔ |
|
|
Rubber bath toys |
یہ کھلونے ہر 2 سے 3 ماہ بعد تبدیل کردینے چاہئیں۔ حقیقت
یہ ہے کہ ان کے اندر خاص قسم کی پھپوندی ظاہر ہونا شروع ہوجاتی ہے، اور یہ
بچے کے لئے خطرناک ہوسکتا ہے۔ اپنی ربڑ کی بطخوں کی زندگی کو طول دینے کے
لیے، انھیں ہر استعمال کے بعد ابلتے پانی اور ڈٹرجنٹ سے دھوئیں۔ اور ان میں
پانی داخل ہونے سے بچانے کے لیے آپ ان میں موجود سوراخ کو گوند وغیرہ سے
بند بھی کرسکتے ہیں۔ |
|
|
Teflon coated cookware |
یہ پین صرف 2 سے 3 سال تک استعمال کے قابل رہتے ہیں اور
پھر ان خاص برتنوں کو تبدیل کرنے کی ضرورت ہوتی ہے، چاہے ان کی کوٹنگ
برقرار نظر آئے۔ ان کا طویل عرصہ تک استعمال آپ کی صحت کے لئے نقصان دہ
ثابت ہوسکتا ہے ، کیوں کہ ان پر چڑھی ٹیفلون 6 سے زائد زہریلی گیسوں کا
اخراج کرسکتی ہے۔ |
|
|
دیگر متفرق معلوماتی مضامین کے لئے وزٹ کیجئے ہماری ویب کے
متفرق مضامین
سیکشن میں۰ |
|
Graters and vegetable cutters |
اسے ہم عام زبان میں کترنا کہتے ہیں کیونکہ اس پر مختلف اقسام کی سبزیاں
کتری یا چھیلی جاتی ہیں- لیکن کچن کے اس سب سے اہم آلے کو صحیح طور پر
دھونا انتہائی مشکل کام ہے جس کی وجہ سے اس میں سبزیوں کی باقیات موجود
رہتی ہیں- یہ باقیات جراثیموں کو جنم دینے کا باعث بنتی ہیں- اس لیے بہتر
ہے کہ اسے بھی 3 سے 4 سال بعد لازمی تبدیل کرلینا چاہیے- |
|
|