|
|
کورونا وائرس اب تک لاتعداد افراد کو اپنا شکار بنا چکا
ہے- اس وائرس نے نہ صرف زندگی کے نظام کو درہم برہم کیا ہے بلکہ جسمانی اور
دماغی تندرستی کو بھی شدید نقصان پہنچایا ہے- اگرچہ کووڈ 19 کے خلاف لڑائی
جاری ہے، لیکن ضروری یہ بھی ہے کہ لوگ خود کو کرونا وائرس سے متعلق افسانوی
باتوں اور غلط فہمیوں سے بھی دور رکھیں۔ |
|
کرونا وائرس لیبارٹری
میں تیار ہوا ہے |
اکثر لوگوں کا خیال ہے کہ کرونا وائرس کسی لیبارٹری میں
تیار ہوا ہے اور یہ ایک سازش کے تحت پھیلایا گیا ہے لیکن حقیقت میں اس دعویٰ
کا کوئی ثبوت موجود نہیں- جریدے نیچر میڈیسن میں شائع ہونے والی ایک تحقیق
کے مطابق ، COVID-19 وائرس کا ایک اہم پہلو، جس کو اسپائک پروٹین کہا جاتا
ہے ، کے بارے میں کہا جاتا ہے کہ اس کی ابتداء لیب کی بجائے فطرت سے ہوئی
ہے۔ |
|
|
گرم اور مرطوب درجہ
حرارت میں کرونا وائرس نہیں لگتا |
عالمی ادارہ صحت کے مطابق، زیادہ درجہ حرارت میں آپ کو
کوڈ 19 سے محفوظ رکھ سکتا ہے۔ تاہم ، اس بات کی کوئی ضمانت نہیں ہے کہ آپ
وائرس کا شکار نہیں بن سکتے۔ ایسی بہت ساری اطلاعات موصول ہوئی ہیں جن کے
مطابق اعلیٰ درجہ حرارت والے علاقوں میں یہ وائرس پھیلا ہے۔ |
|
|
آپ کو پتہ چل جائے گا جب آپ کو کورونا وائرس ہوگا |
کوویڈ 19 کے علامات کی بہت سی اقسام ہیں اور انفیکشن کی
بہت ساری ایسی علامتیں ہیں جو دوسرے امراض ، جیسے عام سردی اور فلو کی
علامات سے ہم آہنگ ہوسکتی ہیں۔ اس کے علاوہ، وائرس سے متاثرہ کچھ لوگوں میں
انفیکشن کی کوئی علامت ظاہر نہیں ہوتی، جو خود ہی بہت خطرناک ہوسکتے ہیں۔
اس کی جانچ کیے بغیر آپ کے لیے یہ معلوم کرنا تقریباً ناممکن ہے کہ آپ کو
وائرس ہے یا نہیں ۔ |
|
|
وٹامن سی آپ کو وائرس سے
بچاتا ہے |
وٹامن سی قوت مدافعت کو بڑھانے میں نمایاں کردار ادا
کرتا ہے اور سفید خون کے خلیوں کو زیادہ مؤثر انداز میں کام کرنے میں بھی
مدد کرتا ہے۔ تاہم ، نوول کورونا وائرس کے خلاف اپنے دفاعی نظام کو مضبوط
کرنا ضروری ہے، لیکن محققین کو مہلک وائرس کے خلاف جنگ میں وٹامن سی کی
تاثیر کے بارے میں کوئی ٹھوس ثبوت نہیں ملا ہے۔ |
|
|
نوجوان کورونا وائرس سے
محفوظ ہیں |
ہر عمر کے افراد کورونا وائرس کا شکار
ہوسکتے ہیں۔ اگرچہ بزرگ افراد اور پہلے سے کسی مرض میں مبتلا افراد کے لیے
کورونا وائرس زیادہ بڑا خطرہ ہے- اس کی کوئی ضمانت نہیں ہے کہ اس سے کم عمر
بالغ افراد بھی متاثر نہیں ہوں گے۔ ورلڈ ہیلتھ آرگنائزیشن نے ہر عمر گروپ
کے لوگوں کو مشورہ دیا ہے کہ وہ نہ صرف اپنے آپ کو محفوظ رکھنے کے لیے ،
بلکہ دوسرے لوگوں کو بھی اس وائرس سے محفوظ رکھنے کے لیے اضافی احتیاطی
تدابیر اختیار کریں۔ |
|