|
|
|
|
|
صبح جاگتے ہی ہر گھر سے چائے کی خوشبو آنا شروع ہو جاتی ہے ہر گھر میں
چائے بنانے کے لیے خاص برتن مخصوص ہوتا ہے جس کو ہر بار دھو کر چائے
بنا دی جاتی ہے اور بار بار چائے بنانے کے سبب اس برتن کا رنگ بدلنے
لگتا ہے- اس کے اوپر چائے کے دھبے جم جاتے ہیں جس کو کسی بھی ڈش واشر
سے مانجھنےکے باوجود یہ دھبے صاف نہیں ہوتے اور اس کے نتیجے میں پھوہڑ
اور ناکارہ ہونے کا لیبل خاتون خانہ پر لگا دیا جاتا ہے- |
|
|
|
یہ صرف پاکستان کا مسئلہ نہیں ہے بلکہ دنیا بھر کے لوگ اس مسئلے کا شکار
نظر آتے ہیں اور مختلف کمپنیاں رنگ رنگ کے ڈش واشر متعارف کرواتے ہیں تاکہ
لوگ آسانی سے اپنے چائے کے برتن کو صاف کر سکیں- |
|
|
|
مگر حالیہ دنوں میں آسٹریلیا کی ایک خاتون ماماملا نے ٹک ٹاک پر ایک ویڈيو
اپ لوڈ کی جس میں انہوں نے ایک بہت ہی آسان طریقے سے اپنی چائے کی کیتلی کو
صاف کر کے دکھایا اس کی یہ ویڈيو وائرل ہو گئی اور لاکھوں لوگوں نے اس
طریقے سے کیتلی کو صاف کر کے فائدہ اٹھایا اور اس کے بعد دوسرے لوگوں کو
بھی شئير کیا- |
|
|
|
اس خاتون نے چائے کی کیتلی میں پانی بھر کر اس میں دو لیموں کاٹ کر ڈال دیے
اور اس کے بعد اس کو ابلنے کے لیے چھوڑ دیا- تھوڑی دیر بعد جب پانی اس میں
اچھی طرح ابل گیا تو انہوں نے اس پانی کو جب پھینک دیا تو انہوں نے دکھایا
کہ کیتلی اندر سے صاف ہو گئی اور چمکدار ہو گئی- |
|
|
|
| |
| لیموں کا شمار کھانے کےساتھ ساتھ برتنوں کی صفائی کے
لیے انتہائی مستند سمجھا جاتا ہے یہی وجہ ہے کہ برتن دھونے کے ہر پروڈکٹ
میں اس کی شمولیت لازم سمجھی جاتی ہے- اسی وجہ سے ان آسٹریلین خاتون نے صرف
لیموں کے استعمال سے داغ دار برتن میں پانی اور لیموں کو ساتھ استعمال کر
کے نہ صرف ان دھبوں کو صاف کر دیا بلکہ ان کو دوبارہ سے نیا جیسا چمکدار
بنا دیا - |
| |
|
آسٹریلین خاتون کا یہ طریقہ صرف چائے کے برتن کو صاف کرنے کے لیے ہی
استمعال نہیں کیا جا سکتا بلکہ عام استعمال کے برتنوں کی صفائی کے لیے بھی
اس طریقے کو استمعال کر کے برتنوں کو نئی جیسی چمک دی جا سکتی ہے آزمائش
شرط ہے- |