اچھا اس لیے یہ جلدی خراب ہوگیا! ایسی 5 اشیاﺀ جو کبھی بھی باتھ روم میں نہیں رکھنی چاہئیں

ہم روزانہ تقریبا 30 منٹ باتھ روم میں گزارتے ہیں۔ اسی لیے ہم اپنی دیکھ بھال سے متعلق چند اہم اشیاﺀ کو باتھ روم میں رکھنا ہی مناسب سمجھتے ہیں- لیکن حقیقت میں بہت سی اشیاﺀ کو تعلق باتھ روم سے ہوتا ہی نہیں ہے بلکہ یہ اگر باتھ روم میں چھوڑ دی جائے تو خراب ہوجاتی ہیں-

میک اپ برش

میک اپ برش کو باقاعدگی سے صاف کرنا اور اسے خشک کرنا ضروری ہوتا ہے تاکہ یہ جراثیموں کا شکار نہ ہوسکے- برش کو دھونے کے بعد اسے خشک مقام پر رکھنا بہتر ہوتا ہے- اگر آپ اسے باتھ روم میں چھوڑ دیں گے تو یہ خراب ہوجائے گا کیونکہ باتھ روم میں گرم اور مرطوب ہوا اس میں جراثیم پیدا کرسکتی ہے-

پرفیوم

باتھ روم میں پرفیوم کی بوتل کو رکھنا اس کی خوشبو کو تباہ کرسکتا ہے- اس لیے اپنے پسندیدہ پرفیوم کو طویل وقت تک کارآمد رکھنے کے لیے باتھ روم میں رکھنے کے بجائے الماری وغیرہ میں محفوظ بنائیں-

تولیہ

غسل خانے میں استعمال شدہ تولیہ چھوڑنا کسی طرح بھی مناسب نہیں ہے- باتھ روم کی گرمی اور نمی جراثیموں کی افزائش کا سبب بنتی ہے- اور گیلے تولیے میں یہ جراثیم باآسانی منتقل ہوجاتے ہیں جو کہ بعد میں استعمال کرنے پر ہمارے جسم پر بھی منتقل ہوجاتے ہیں-

ریزر

باتھ روم کے شاور سے نکلنے والی بھاپ اور نمی آپ کے ریزر کو زنگ آلود بنا دیتی ہے جو کہ استعمال کرنے پر آپ کو جلد کو نقصان بھی پہنچا سکتا ہے- یہاں تک کہ اگر آپ اسے استعمال کرنے کے بعد اچھی طرح سے صاف اور خشک بھی کردیں تو، باتھ روم کے مرطوب ماحول میں اس کی زندگی مختصر ہوسکتی ہے۔

صابن

باتھ روم میں صابن کو ایسے مقام پر رکھنا جہاں شاور قریب ہو صابن کی زندگی کو مختصر کر سکتا ہے- نہانے کے دوران شاور سے نکلنے والا پانی صابن کو متاثر کرتا ہے اس لیے بہتر ہے کہ صابن کو ایسے مقام پر رکھیے جو خشک ہو اور شاور سے دور بھی-