وزن بہت کم ہوگیا ہے تو خوشی کی بات نہیں--- وزن میں زیادہ کمی کے 7 خطرناک نقصانات جن سے آپ لاعلم ہیں

مناسب وزن ہونا ہماری صحت کے لئے انتہائی فائدہ مند ثابت ہوسکتا ہے۔ زیادہ وزن اور صحت کے درمیان تعلق مشہور ہے۔ ذیابیطس کے خطرے سے لے کر، قلبی بیماری اور یہاں تک کہ کینسر تک، موٹاپا ہماری زندگی پر بہت منفی اثر ڈال سکتا ہے۔ یہ کہنا بجا ہے کہ اضافی وزن اٹھانا ہمارے لئے عموماً اچھا نہیں ہے۔ لیکن ماہرین کی رہنمائی کے بغیر اور تیزی کے ساتھ بہت زیادہ وزن کم کرنا بھی ہماری صحت کے لیے خطرناک ہوتا ہے- آج ہم آپ کو بتائیں گے کہ بہت زیادہ وزن کم کرنے کے آپ کو کیا نقصانات ہوسکتے ہیں-

Hormonal imbalance

وزن میں ضرورت سے زیادہ کمی لانا ہارمون میں عدم توازن پیدا کرسکتا ہے- اور یہ عدم توازن آپ کے دل و دماغ دونوں پر منفی اثرات مرتب کرسکتا ہے جو یقیناً کسی صورت بھی فائدہ مند نہیں ہے-

Metabolism

تیز کے ساتھ وزن میں بہت زیادہ کمی کا اثر آپ کے میٹابولزم پر پڑے گا۔ آپ کی میٹابولک سسٹم کے کام کرنے کی شرح کم ہوجائے گی ، یعنی چربی میں کمی سمیت تمام عمل سست ہوجائیں گے۔

Loose skin

بہت زیادہ وزن کم کرنا آپ کی جلد کے لیے بھی خطرناک ہے کیونکہ غیر ضروری وزن کم کرنے سے جلد لٹک جاتی ہے جو کہ بدنما محسوس ہوتی ہے اور اس کا واپس سکڑنا بھی مشکل ہوتا ہے-

Depression

آپ نے سوچا ہوگا کہ اپنا مطلوبہ وزن حاصل کر لینے سے آپ خوش ہوں گے ، لیکن بعض اوقات ایسا نہیں ہوتا ہے۔ ایک تحقیق میں بتایا گیا ہے کہ وزن کم کرنے سے ذہنی دباؤ کا خطرہ بڑھ سکتا ہے۔ اس کی وجہ یہ ہے کہ بعض اوقات لوگ غیر حقیقی توقعات وابستہ کر لیتے ہیں جن کے پورے نہ ہونے کے سبب وہ مایوسی کا شکار ہوجاتے ہیں-

It can affect your period

تیزی سے وزن کم کرنا دراصل آپ کی ماہواری کو روک سکتی ہے۔ مسلسل وزن کم کرنے کی کوشش لیکٹین نامی پروٹین کو متاثر کرتی ہے۔ نتیجہ کے طور پر ، آپ کا جسم "فاقہ کشی کے موڈ" میں داخل ہوسکتا ہے اور آپ کا حیض بند ہوجاتا ہے۔

Gallstones

اگر آپ چکنائی کی اتنی مقدار جسم میں داخل نہیں کرتے ہیں جتنی کہ جسم کو درکار ہے تو آپ کو پتھری کی شکایت کا سامنا کرنا پڑ سکتا ہے جو کہ بہت تکلیف دہ ہوسکتا ہے۔ اس تکلیف سے بچنے کے لیے اپنی غذا میں چکنائی کو ضرور شامل رکھیے-

Muscle loss

کچھ لوگ وزن کم کرنے پر توجہ دیتے ہیں اور انہیں یہ احساس نہیں ہوتا ہے کہ وہ نہ صرف چربی کم کر رہے ہیں بلکہ اس کے ساتھ ساتھ پٹھوں کو بھی کمزور بنا رہے ہیں۔ پٹھوں کا مضبوط ہونا درحقیقت آپ کو زیادہ کیلوری جلانے میں مدد کرتا ہے ، اور اس کے نتیجے میں زیادہ وزن کم ہوجاتا ہے- اس لیے ماہر غذائیات کی ہدایات کے مطابق ہی وزن کم کرنے کی کوشش کریں تاکہ پٹھوں کو نقصان نہ پہنچے-

< Previous حلیم کے ایسے فوائد جن کو جان کر آپ بھی کھانے پر مجبور ہوجائیں NEXT > آپ بغیر مشین کے بھی اپنا بلڈ پریشر خود چیک کرسکتے ہیں

Comments

25 Jan, 2021

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.