|
|
| |
| نومولود بچوں کے والدین اکثر کہتے ہیں کہ ان کے بچے غیر
معمولی طور پر بہت زیادہ روتے ہیں۔ اکثر بچے روتے ہوئے اپنی ٹانگیں اور
ہاتھ اینٹھ لیتے ہیں اور کچھ اچانک ہی زور سے رونا شروع کردیتے ہیں اور کئی
گھنٹے روتے ہیں۔ ماں باپ کے علاوہ گھر کے باقی افراد بھی بچے کو گود میں
ٹہلا ٹہلا کر تھک جاتے ہیں لیکن بچے کا رونا اپنے وقت پر ہی ختم ہوتا ہے۔ |
| |
|
|
| |
| تشخیص |
| اس قسم کا رونا بچے میں “کولِک“ کی وجہ سے ہوتا ہے۔
گھبرائیے نہیں یہ کوئی بیماری نہیں بلکہ ایک قسم کے پیٹ کے درد کو کہتے ہیں
جو بچوں میں اچانک اور شدت کے ساتھ ہوتا ہے جس کی وجہ سے بچے زور سے رونے
لگتے ہیں۔ |
| |
| ڈاکٹر شائستہ میڈیکل سینٹر کے ڈاکٹر ندیم اشرف کہتے ہیں
کہ کولِک اکثر دودھ کی وجہ سے ہوتا ہے جو کہ بچے کا پیٹ قبول نہیں کرپارہا
ہوتا۔ کولِک کی ایک وجہ گیس بھی ہوسکتی ہے۔ کولِک کا درد بچوں میں پیدائش
کے ٤ سے ٦ ہفتوں بعد شروع ہوتا ہے اور ٤ مہینوں بعد ختم ہوجاتا ہے |
| |
| کولِک کے درد میں بچے کو
کیسے آرام دیں |
| ڈاکٹر ندیم اشرف کہتے ہیں کہ بچے کو کولِک میں کوئی خاص
دوا نہیں دی جاتی بلکہ گیس خارج کرنے کے لئے ڈروپس دیے جاتے ہیں۔ البتہ
ماہرین کچھ ایسے طریقہ کار بھی تجویز کرتے ہیں جن سے بچے کو کولِک درد میں
آرام ملتا ہے۔ |
| |
| اپنے نوزائیدہ بچوں کو گاڑی میں یا پھر گود میں گھمانے
پھرانے لے جانا |
| |
|
|
| |
| بچے کو کمبل میں باندھ کر رکھنا |
| |
| بچے کو نیم گرم پانی سے غسل دینا |
| |
| ہلکے ہاتھوں سے بچے کے پیٹ پر مساج کرنا |
| |
|
|
| |
| سکون بخش آڈیو کو چلانا |
| |
| شور شرابے سے دور رکھنا |
| |
| کمرے میں روشنی کم کرنا |
| |
| کسی خوراک سے الٹی یا اسہال ہونے لگے تو یہ کھانے سے
الرجی کی نشانی ہے۔ ایسے کھانے کو فوری طور پر بند کردیں |
| |
| ڈاکٹر کے مشورے سے دودھ تبدیل کریں |
| |
| ماں کی وہ عادت جس سے
بچے میں کولِک درد ہوتا ہے |
| اگر ماں حمل کے دوران سگریٹ نوشی یا کسی قسم کی نشہ آور
دوا استعمال کرتی رہی ہو تو بھی پیدائش کے بعد بچے میں کولِک درد ہوتا ہے۔
اس کے علاوہ دودھ پلانے والی مائیں بھی ایسے کھانے کھانے سے اجتناب کریں جن
سے بچوں میں الرجی ہو مثلاً دودھ، انڈے گندم اور گریدار میوے وغیرہ۔ |
|
|