عالمی ماحولیاتی دن اور اس سال کی تھیم... جانیے پاکستان کو آج کیا اعزاز حاصل ہے؟
|
|
|
|
|
عالمی ماحولیاتی دن کا مقصد ملکوں اور لوگوں میں فطرت کے بارے میں
آگاہی اور شعور اجاگر کرنا ہے۔ یہ دن ہر سال 5 جون کو منایا جاتا ہے۔
یہ دن اقوام متحدہ کی جانب سے 1974 سے مستقل منایا جارہا ہے اور ہر سال
ایک تھیم متعارف کروائی جاتی ہے تاکہ تھیم پر چلتے ہوئے قدرتی ماحول کو
مصنوعی چیزوں کے نقصانات سے بچایا جاسکے |
|
|
|
اس سال کی تھیم |
|
اس سال بھی اقوام متحدہ کی جانب سے تھیم متعارف کروائی گئی ہے جس کا موضوع
"Ecosystem Restoration " ہے یعنی "ماحولیاتی نظام کی بحالی" ۔ |
|
|
|
اگر تھیم کے بارے میں وضاحت سے بیان کیا جائے تو یہ ایک وسیع موضوع ہے اس
کا ایک مطلب یہ بھی ہے کہ کس طرح ہم اپنے ماحول اور فطری مقامات جیسے سمندر،
جنگل، جھیل وغیرہ کو خراب ہونے سے بچاسکتے ہیں۔ نیز فضائی، آبی اور آواز کی
آلودگی کو کس طرح کم کیا جاسکتا ہے۔ اس سلسلے میں ہمیں وہ تمام عادتیں ترک
یا کم سے کم کرنی ہوں گی جن کی وجہ سے ہمارا قدرتی نظام تباہ ہورہا ہے- |
|
|
|
|
|
|
|
پاکستان کو اس سال کیا اعزاز حاصل ہے |
|
1974 سے ہر سال اقوام متحدہ میں شامل کسی ایک ملک کو اس دن کی میزبانی کا
موقع دیا جاتا ہے جہاں سالانہ تھیم کے مطابق تقریبات منعقد ہوتی ہیں اس سال
میزبانی کا اعزاز پاکستان کو حاصل ہے البتہ گزشتہ ڈیڑھ سال سے دنیا کے
عالمی وبا کی لپیٹ میں ہونے کی وجہ سے تقریبات کا سلسلہ روک دیا گیا ہے۔ اس
لئے ملکی سطح پر تقریبات کا انعقاد ہونا اگرچہ مشکل ہے لیکن پاکستانی عوام
ماحول کو بہتر بنانے میں اپنا کردار ضرور ادا کرسکتے ہیں- |
|