|
|
| |
| عام طور پر ہم دن میں تین بار کھانا کھاتے ہیں اور کھانے
کے بعد کچھ ایسی عادتیں اپناتے ہیں جو بظاہر عام بلکہ کسی حد تک صحت کے لئے
فائدے مند لگتی ہیں لیکن حقیقت میں وہ ہمارے جسم کو نقصان پہنچانے کے ساتھ
ساتھ کئی بیماریوں کی وجہ بن جاتی ہیں۔ اس آرٹیکل میں ہم ان ہی عادتوں کا
ذکر رہے ہیں جنھیں کھانا کھانے کے بعد اختیار کرنا آپ کی صحت کے لئے مفید
نہیں۔ آپ بھی دیکھیں کہیں آپ بھی تو ان عادتوں کا شکار نہیں۔۔۔ |
| |
| 1- کھانے کے بعد دانت
برش کرنا |
| کھانا کھانے کے بعد دانت صاف کرنا اگرچہ اچھی بات ہے
لیکن ڈاکٹرز کے مطابق کھانے کے بعد برش کرنے کے لئے کم سے کم آدھا اور
امریکی ڈاکٹرز کے مطابق ایک گھنٹے کا وقفہ دینا ضروری ہے۔ کیونکہ کھانے کے
بعد برش کرنے سے دانتوں پر موجود اینیمل کی تہہ خراب ہوتی ہے۔ خاص طور پر
سٹرس پھل جیسے لیموں، کینو وغیرہ کھایا ہو تو ایک گھنٹے تک لازمی وقفہ دیں |
| |
|
|
| |
| 2- چہل قدمی کرنا |
| لوگ چہل قدمی یا واک کے لئے کھانے کے بعد کا وقت مقرر
کرتے ہیں لیکن طبی ماہرین کے مطابق کھانے کے بعد واک کرنے میں کم سے کم
آدھے گھنٹے کا وقفہ لازمی دینا چاہئیے ورنہ اس سے کھانا ہضم کرنے والا
تیزاب منہ تک آسکتا ہے جو السر پیدا کرتا ہے اس کے علاوہ اس سے نظام ہاضمہ
بھی متاثر ہوتا ہے |
| |
|
|
| |
| 3- نہانا |
| کھانے کے بعد نہانے کے لئے بھی کم سے کم آدھ گھنٹے کا
وقفہ دینا مناسب ہوتا ہے۔ |
| |
| 4- ٹھنڈا پانی پینا |
| کھانے کے فوراً بعد ٹھنڈا پانی پینے سے معدہ خوراک کو
صحیح طرح ہضم نہیں کرپاتا اس لئے کھانے کے بعد فوری طور پر ٹھنڈا پانی پینے
سے گریز کریں |
| |
| 5- سگریٹ نوشی |
| سگریٹ نوشی تو ویسے بھی مضرِ صحت عادت ہے لیکن کھانے کے
بعد ایک سگریٹ پینا دس سگریٹس پینے کے برابر ہوتا ہے جس کی وجہ سے آنتوں
اور معدے کے سرطان کا خطرہ بڑھ جاتا ہے۔ |
| |
| 6- سونا یا لیٹنا |
| کھانے کے فوراً بعد لیٹنے یا سونے سے کھانا صحیح طرح ہضم
نہیں ہوپاتا اور جسم میں بے سکونی پیدا کرتا ہے اس وجہ سے نیند بھی متاثر
ہوتی ہے۔ |
|
|