|
|
| |
| مراکش میں خواتین کے ہاتھوں تیار ہونے والا آرگن کا تیل
دنیا کا مہنگا ترین تیل بن چکا ہے۔ اس تیل کے مہنگے اور قیمتی ہونے کی وجہ
اس کے بیش بہا طبیِ فوائد ہیں۔ پہلے آرگن کا تیل جسے اردو میں ارغالی کا
تیل بھی کہا جاتا ہے، کھانا پکانے اور مختلف دوائیوں میں استعمال ہوتا تھا
البتہ اب یہ کاسمیٹکس میں بھی استعمال ہوتا ہے جس کی وجہ سے اس کی قیمت میں
کئی گنا اضافہ ہوچکا ہے۔ اسی وجہ سے اسے پگھلا سونا بھی کہتے ہیں۔ |
| |
| آرگن کے تیل کے طِبی
فائدے |
| آرگن کے تیل میں وٹامن ای موجود ہوتا ہے جو قوت مدافعت
کو بڑھاتا ہے۔ اس کے علاوہ آرگن کا تیل آنکھوں اور جلد کے لئے بھی فائدہ
مند ہے۔آرگن کا تیل کولیسٹرول کو کم کرنے کے ساتھ ساتھ دل کی بیماریوں کا
خطرہ بھی کم کرتا ہے۔ اگر خوبصورتی کے حوالے سے بات کی جائے تو ارغالی کا
تیل چہرے سے جھریاں کم کرنے کے علاوہ جلد کو نمی پہنچاتا ہے اور ایکنی کے
ساتھ ساتھ جلد کے انفیکشنز کو کم کرنے میں بھی مددگار ہے |
| |
|
|
| |
| یہ تیل کیسے بنتا ہے؟ |
| آرگن کا تیل، زیتون سے ملتی جلتی گری سے کشید کیا جاتا
ہے۔ مراکش میں خواتین یہ گری بنجر علاقے سے اکھٹا کرتی ہیں جہاں ارغالی کا
درخت اگتا ہے۔ اس کے بعد ان بیجوں کو دھوپ میں سکھا کر ، چھلکے اتار کر اور
پیس کر تیار کیا جاتا ہے۔ جدید مشینری نے تیل نکالنے کا عمل کافی آسان
کردیا ہے۔ لیکن مقامی خواتین آج بھی پھل کو سخت اوزار سے مار کر بیج خود
الگ کرتی ہیں جسے پیس کر تیل نکالا جاتا ہے۔ |
| |
|
|
| |
| مراکش کی مقامی مارکیٹ میں یہ تیل 30 سے 50 ڈالر فی لیٹر
جبکہ عالمی مارکیٹ میں 250 ڈالر فی لیٹر جو کہ تقریباً 40 ہزار روپے بنتے
ہیں کے حساب سے فروخت ہوتا ہے۔ تیل نکالنے کا عمل مراکش کی خواتین کے لئے
کسی تہوار سے کم نہیں ہوتا کیونکہ اس وقت وہ سب اکھٹا ہوتی ہیں اور خوشی سے
گیت بھی گاتی ہیں |
|
|