خاموشی سے دل کی بیماری میں مبتلا کرتا ہے... ہائی کولیسٹرول کیا ہوتا ہے؟ جانیے کچھ ایسے طریقے جو گھر بیٹھے کولیسٹرول کو کم کرسکتے ہیں

اکثر ڈاکٹر حضرات یہ کہتے پائے جاتے ہیں کہ کولیسٹرول نہ بڑھنے دیں یا بڑھے ہوئے کولیسٹرول کو کم کریں۔ لیکن بہت سے لوگ یہ نہیں جانتے کہ کولیسٹرول اصل میں کیا ہوتا ہے اور اس ہوجائے تو اس کی علامات کیا ہیں۔ اس آرٹیکل کے زریعے "ہماری ویب" کے قارئین کو بتایا جائے گا کہ کولیسٹرول کس چیز کو کہتے ہیں، یہ ہمارے جسم پر کیا اثر دکھاتا ہے اور وہ کون سی چیزیں ہیں جن سے اس کو کنٹرول کرنے میں مدد ملتی ہے

کولیسٹرول کیا ہوتا ہے

کولیسٹرول جسم کے اندر بننے والی چکنائی کو کہتے ہیں جو خون کے علاوہ جسم کے تمام خلیات میں بھی پایا جاتا ہے۔ یہ کولیسٹرول دو قسم کا ہوتا ہے اچھا کولیسٹرول (HDl) اور اور برا کولیسٹرول (LDL)۔ اچھا کولیسٹرول جسم کے خلیات کو مضبوط کرتا ہے جب کہ بیڈ کولیسٹرول خاموشی سے رگوں میں چکنائی جماتے ہوئے انسان کو موت کے منہ میں لے جاتا ہے

کولیسٹرول بڑھنے سے کیا ہوتا ہے؟

ہائی کولیسٹرول کی صورت میں چکنائی رگوں میں جم جاتی اور جگر یا دل کے مرض کا سبب ببتا ہے۔ کولیسٹرول انجائنا سے لے کر ہارٹ اٹیک تک بہت سی سنگین بیماریوں کی بڑی وجہ ہے

ہائی کولیسٹرول سے بچنے میں مددگار طریقے

اگر ہم اپنی روز مرہ کی زندگی میں کچھ مثبت تبدیلیاں پیدا کرلیں تو بہت حد تک کولیسٹرول کے بڑھے ہوئے تناسب پر قابو پاسکتے ہیں۔ ان میں سے کچھ چیزیں ہم نیچے بیان کررہے ہیں جن کو اپنا کر آپ بھی اپنا کولیسٹرول کم کر سکتے ہیں

ورزش

دل کے امراض سے بچنے کے لیے ایروبکس کرنا مفید ہے کیونکہ یہ پورے جسم کو حرکت میں رکھ کر چربی گھلا دیتا ہے اور بیڈ کولیسٹرول کو رگوں میں جمنے ہی نہیں دیتا اس کے علاوہ سائیکلنگ، یوگا، تیراکی اور چہل قدمی یا جاگنگ بھی کی جاسکتی ہے

تیل بدلیں

کھانا پکانے کا عام تیل لینے کے بجائے زیتون، سورج مکھی، ناریل، سرسوں ،مکئی یا سامن اور ٹراؤٹ مچھلی کا تیل استعمال کریں۔اور کوشش کریں کہ تیل خالص اور پکانے میں کم سے کم استعمال کیا جائے۔نان اسٹک برتن کا استعمال بھی کیا جا سکتا ہے

سگریٹ اور تمباکو سے پرہیز

سگریٹ کا دھواں سانس لینے کے عمل میں رکاوٹ پیدا کرتا ہے اس کے علاوہ اس میں موجود تمباکو خون کے بہاؤ کو روکتا ہے جس سے نالیوں میں سوزش پیدا ہوتی ہے جو دل کے دورے کا سبب بنتی ہے۔ اپنی صحت کو عزیز رکھتے ہوئے سگریٹ یا تمباکو نوشی کو فوری طور پر چھوڑ دینا ہی بہتر ہے

< Previous حلیم کے ایسے فوائد جن کو جان کر آپ بھی کھانے پر مجبور ہوجائیں NEXT > اگر آپ اپنے ہاضمے کو لکڑ ہضم پتھر ہضم بنانا چاہتے ہیں، تو ان مزیدار چٹنیوں کا استعمال ہر کھانے کے ساتھ ضرور کریں

Comments

22 Jul, 2021

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.