|
|
ایک خبر کے مطابق عید کے پہلے دو دنوں میں صرف لاہور میں
اٹھارہ ہزار افراد ہاضمے کی خرابی کے باعث ہسپتال لائے گئے۔ بقرہ عید کا
موقع جہاں اپنے ساتھ مزے مزے کے پکوان لے کر آتا ہے اس کے ساتھ ساتھ تھوڑی
سی بے احتیاطی انسان کو بیمار بھی کر ڈالتی ہے اور انسان ان تمام کھانوں سے
محروم ہو جاتا ہے جس کی پلاننگ وہ کب سے کر رہا ہوتا ہے- |
|
ہاضمے کو مضبوط بنانے
والی چٹنیاں |
ہمارے گھروں میں عید کی آمد کے ساتھ ہی خواتین جہاں
مختلف مصالحوں کی تیاریاں کرتی ہیں وہیں پر گوشت کے ساتھ کھانے والی کچھ
چٹنیاں بھی لازمی بناتی ہیں یہ چٹنیاں ایک جانب تو کھانوں کی لذت بڑھا دیتی
ہیں دوسرا کھانے کو جلد ہضم ہونے میں مدد دیتی ہیں- |
|
انار دانہ اور پودینے کی
چٹنی |
انار دانہ وٹامن سی سے بھر پور ہوتا ہے اس کے ساتھ ساتھ
اس میں فائبر کی بھی بڑی مقدار موجود ہوتی ہے اس کے ساتھ ساتھ پودینہ بھی
ہاضمے کے لیے بہت مفید ہوتا ہے- اس چٹنی کی تیاری کے لیے ہمیں دو ٹماٹر، دو
ہری مرچ تھوڑا انار دانہ اور کچھ پتے پودینے کے درکار ہوں گے ان سب کو اچھی
طرح پیس لیں اور اس کے بعد اس میں نمک شامل کر کے گوشت کے ساتھ کھائیں- یہ
چٹنی ہاضم ہونے کے ساتھ ساتھ کھانے کی لذت بھی بڑھاتی ہے اور وزن کم کرنے
میں بھی مفید ہے- |
|
|
املی کی چٹنی |
املی تاثیر کے اعتبار سے ٹھنڈی ہوتی ہے اور حکما کا یہ
ماننا ہے کہ یہ گوشت کے گرم اثرات کا خاتمہ کرتی ہے۔ اس کے ساتھ ساتھ اس کی
ترشی معدے میں کھانے کے ہضم ہونے کی رفتار کو تیز کرتے ہیں اس کی تیاری کے
لیۓ ایک پاؤ املی لے لیں- اس کے ساتھ کھجور کے پانچ سے چھ دانے لے لیں اور
تھوڑا سا پانی ڈال کر اس کو پکانے کے لیے رکھ دیں- پانچ منٹ تک پکانے کے
بعد اس میں چینی یا گڑ حسب ذائقہ شامل کریں چٹکی بھر سفید زیرہ، چٹکی بھر
کالا نمک، چٹکی بھر کالی مرچ اور چٹکی بھر لال مرچیں شامل کر دیں اس کو
اچھی طرح پکانے کے بعد اس میں آدھا چمچ سرکہ کا ڈال دیں اس سے یہ کافی دنوں
تک خراب نہ ہو گی اور ہر کھانے کے ساتھ استعمال کریں- |
|
|
آلو بخارے کی چٹنی
|
آج کل آلو بخارے کا موسم بھی ہے اس کی چٹنی بھی لذت کے
اعتبار سے بہترین ہوتی ہے یہ خون بناتی ہے جگر کے افعال کو بہتر بناتی ہے
اور ہاضمے کو بہتر کرتی ہے- اس چٹنی کو بنانے کے لیے پکے ہوئے آلو بخارے
آدھا کلو تک لے لیں اور اس کو ہلکی آنچ پر پکائيں جب وہ نرم ہو جائیں تو اس
میں چینی حسب ذائقہ شامل کر دیں۔ یہ چٹنی نہ صرف لذیذ ہوتی ہے بلکہ ہاضمے
کے لیے بھی بہترین ہوتی ہے- |
|