|
|
عام طور پر اس بات کو سب ہی تسلیم کرتے ہیں کہ پھل جنت
کے وہ میوے ہوتے ہیں جو کہ نہ صرف لذت میں بہترین ہوتے ہیں بلکہ اس کے ساتھ
ساتھ بہت سارے فائدوں کے بھی حامل ہوتے ہیں۔ پھلوں کے گودے کو کھا کر اس کے
چھلکوں اور بیچوں کو کچرے کی زینت بنا دینے والے بہت سارے افراد کو اگر اس
کے بیچوں کے حقیقی فوائد کا پتہ چل جائے تو وہ ان کو کبھی بھی نہ پھینکیں۔
آج ہم آپ کو ایسے ہی کچھ پھلوں کے بیچوں کے فوائد کے بارے میں بتائيں گے جن
کو ہم پھینک کر بڑا نقصان اٹھاتے ہیں- |
|
تربوز کے بیچ خوبصورتی
بڑھانے کے لیے |
اکثر لوگ تربوز کو کھاتے ہوئے اس کے بیچوں کو منہ سے
نکال نکال کر ایک جانب ڈھیر کرتے رہتے ہیں اور ان کو چبانے سے احتیاط برتتے
ہیں جب کہ حقیقی معنوں میں تربوز کے بیچ میں وٹامن سی کا ایک خزانہ پوشید ہ
ہوتا ہے- اس کے علاوہ اس میں بڑی مقدار میں اینٹی آکسیڈنٹ موجود ہوتے ہیں
جو کہ جسم کو زہریلے مادوں سے صاف کر کے جلد پر سے ایکنی کا خاتمہ کرتے ہیں
اور جلد کو خوبصورت بناتے ہیں- ان بیجوں کو کھانے کے لیے ان کے اوپر ہلکا
سا نمک اور زیتون کا تیل لگا کر ان کو اوون میں بیک کر لیں یا کسی برتن میں
پاپ کارن کی طرح کچھ دیر پکا لیں اس کے بعد ان بھنے ہوئے بیچوں کو استعمال
کریں اور فائدہ اٹھائیں- |
|
|
پپیتے کے بیچ ہاضمہ بہتر
بنائیں |
پپیتے کا استعمال عام طور پر صحت کے لیے بہت مفید سمجھا
جاتا ہے۔ یہ گردے کی پتھری کو توڑنے کے لیے بہت بہترین ہے اس کے علاوہ اس
کا استعمال معدے میں ریت کے ذرات کی صفائی کے لیے بہت مستند مانا جاتا ہے-
مگر فوائد کے اعتبار سے پپیتے کے بیچ بھی کسی سے کم نہیں ہیں سیاہ رنگ کے
یہ بیچ اگرچہ بہت تیز ذائقے کے حامل نہیں ہوتے ہیں اور ان کو پپیتے کے گودے
کے ساتھ ملا کر بھی کھایا جاسکتا ہے۔ اس کے کھانے سے معدے کے جملہ امراض
میں بہت فائدہ ملتا ہے۔ قبض کی صورت میں قبض کا خاتمہ ہوتا ہے بد ہضمی کی
صورت میں یہ ہاضمے کو بہتر بناتا ہے ہاضمے کے عمل کو مضبوط کر کے صحت کو
بحال کرتے ہیں- |
|
|
وزن کم کرنے کے لیے انار
کے بیچ |
انار کو ویسے تو اکثر افراد گھٹلیوں کے ساتھ کھاتے ہیں
مگر اب ہمارا ایک آرام طلب طبقہ ایسا بھی ہے جس کو انار کے بیچ کھانا کسی
مشقت سے کم نہیں لگتا ہے جس کی وجہ سے لوگ انار کا جوس نکال کر پی لیتے ہیں
اور اس کی گھٹلیاں یا بیچ پھینک دیتے ہیں- معروف ماہر غذائيت کے مطابق اگر
آپ وزن کم کرنے کی خواہشمند ہیں تو اس صورت میں آپ کو اپنی غذا میں انار
دانے کا استعمال لازمی کرنا ہوگا انار دانہ تیزی سے وزن کم کرنے میں بہت
مددگار ثابت ہو سکتا ہے- |
|
|
کینو کے بیچ قوت مدافعت بڑھائیں |
کینو کے بیچ جو کہ ذائقے کے اعتبار سے قدرے کڑوے ہوتے ہیں یہی وجہ ہے کہ
لوگ اس کے بیچوں کو کسی صورت کھانے کی کوشش نہیں کرتے ہیں اور اگر غلطی سے
منہ میں آ بھی جائیں تو ان کو پھینک دیتے ہیں-یہ بیچ اورنج کے پھل کی طرح
وٹامن سی سے بھر پور ہوتا ہے اور اس کا استعمال انسان کی قوت مدافعت میں
اضافہ کر کے مختلف بیماریوں سے لڑنے کی طاقت فراہم کرتا ہے- |
|