سچ تو یہ ہے (۴۱واں حصہ)

 منظر۲۸۷
بشیراحمد۔۔۔سمیراسے۔۔۔۔۔دروازہ کھول کرچچاکے گھرکی طر ف دیکھ مہمان چلے گئے ہیں یانہیں
اریبہ۔۔۔۔اتنی دیرہوگئی ہے چلے گئے ہوں گے
بشیراحمد۔۔۔۔میرابھی یہی خیال ہے دیکھ لینے میں کیامسئلہ ہے
سمیرادروازے کی طرف چلی جاتی ہے۔
اریبہ۔۔۔۔۔مجھے ایک بات سمجھ نہیں آئی
بشیراحمد۔۔۔۔وہ کیا
اریبہ۔۔۔۔علاج انہوں نے کسی اورکاکرناہے اورملاقات وہ کسی اورسے کرنے آئے ہیں جس کاعلاج کرناہے اس سے توپوچھاہی نہیں
بشیراحمد۔۔۔۔یہ تواس وقت پتہ چلے گا جب ہماری ان مہمانوں سے ملاقات ہوگی
اریبہ۔۔۔۔۔کہیں ان مہمانوں کے آنے کی سزابھی
بشیراحمد۔۔۔۔۔ایسانہیں ہوگا
سمیرا۔۔۔۔واپس آکر۔۔۔۔۔چچاکے گھرکے پاس توکوئی بھی نہیں ہے
اریبہ۔۔۔۔۔مولوی صاحب کتنی بارآچکے ہیں لیکن وہ ہمارے گھرمیں نہیں آئے
بشیراحمد۔۔۔۔اب وہ ہمارے اوربھائی جاویدکے گھرمیں نہ آئیں توبہترہے
اریبہ۔۔۔۔وہ کیوں
صابراں۔۔۔۔احمدبخش نے ناشتہ کرلیاہے میں برتن اٹھالیتی ہوں
رحمتاں۔۔۔۔میں اٹھالیتی ہوں
رحمتاں احمدبخش کی طرف اورصابراں دوسری طرف چل پڑتی ہے
رحمتاں۔۔۔۔احمدبخش کے پاس بیٹھتے ہوئے۔۔۔۔کرلیاہے ناشتہ
احمدبخش۔۔۔۔جی چچی
رحمتاں۔۔۔۔۔بتاؤ کیابات ہے
احمدبخش۔۔۔۔۔مجھے گھرجاناہے
رحمتاں۔۔۔۔تم ابھی ہمارے گھرمیں رہو
احمدبخش۔۔۔۔ابومجھے ماریں گے آپ جانتی توہیں میرے ابو کو
رحمتاں۔۔۔۔اسی لیے توکہہ رہی ہوں ابھی ہمارے گھرمیں رہو تیرے چچاکہہ کرگئے ہیں اسے گھرسے باہرنہ جانے دینا
احمدبخش۔۔۔۔میں جب بھی گھرجاؤں گا
رحمتاں۔۔۔۔فجرکی قضانمازپڑھ لے نمازپڑھ کرقرآن پاک کی تلاوت کرے گا اس کے بعدآرام سے بیٹھ جانا یا سوجانا
٭٭٭٭٭٭٭٭٭
منظر۲۸۷
بشیراحمد۔۔۔سمیراسے۔۔۔۔۔دروازہ کھول کرچچاکے گھرکی طر ف دیکھ مہمان چلے گئے ہیں یانہیں
اریبہ۔۔۔۔اتنی دیرہوگئی ہے چلے گئے ہوں گے
بشیراحمد۔۔۔۔میرابھی یہی خیال ہے دیکھ لینے میں کیامسئلہ ہے
سمیرادروازے کی طرف چلی جاتی ہے۔
اریبہ۔۔۔۔۔مجھے ایک بات سمجھ نہیں آئی
بشیراحمد۔۔۔۔وہ کیا
اریبہ۔۔۔۔علاج انہوں نے کسی اورکاکرناہے اورملاقات وہ کسی اورسے کرنے آئے ہیں جس کاعلاج کرناہے اس سے توپوچھاہی نہیں
بشیراحمد۔۔۔۔یہ تواس وقت پتہ چلے گا جب ہماری ان مہمانوں سے ملاقات ہوگی
اریبہ۔۔۔۔۔کہیں ان مہمانوں کے آنے کی سزابھی
بشیراحمد۔۔۔۔۔ایسانہیں ہوگا
سمیرا۔۔۔۔واپس آکر۔۔۔۔۔چچاکے گھرکے پاس توکوئی بھی نہیں ہے
اریبہ۔۔۔۔۔مولوی صاحب کتنی بارآچکے ہیں لیکن وہ ہمارے گھرمیں نہیں آئے
بشیراحمد۔۔۔۔اب وہ ہمارے اوربھائی جاویدکے گھرمیں نہ آئیں توبہترہے
اریبہ۔۔۔۔وہ کیوں
بشیراحمد۔۔۔۔وہ اس لیے کہ مولوی صاحب ہمارے گھرمیں آئیں گے توبھائی عبدالمجیدیہ سمجھے گاکہ ہم انہیں پٹیاں پڑھارہے ہیں
اریبہ۔۔۔۔آپ ٹھیک کہہ رہے ہیں
بشیراحمد۔۔۔۔سمیراسے۔۔۔۔۔توجھاڑن سے ریڑھی صفائی کرمیں گدھاکھول کرآتاہوں
سمیراچلی جاتی ہے
بشیراحمد۔۔۔اریبہ سے۔۔۔۔آج مجھے دیرہوجائے توپریشان نہ ہونا
٭٭٭٭٭٭٭٭٭
منظر۲۸۸
مولوی صاحب، عبدالغفوراورظفراقبال مسجدسے باہرکرسیوں پربیٹھے ہیں۔ ان کے سامنے ایک میزاورتین کرسیاں خالی رکھی ہوئی ہیں۔
مولوی صاحب۔۔۔۔اپنی ٹوپی درست کرتے ہوئے اورسرکے بالوں پرہاتھ پھیرتے ہوئے۔۔۔۔۔آپ کوعبدالمجیدکی گفتگوسے کیالگتاہے کہ مسئلہ کیاہے
عبدالغفور۔۔۔۔ابھی اس بارے کوئی رائے قائم نہیں کی جاسکتی
ظفراقبال۔۔۔۔اس سے گفتگوابھی مکمل نہیں ہوئی اورلوگوں سے بھی ملناہے کچھ باتیں ان سے بھی پوچھنی ہیں
عبدالغفور۔۔۔۔۔احمدبخش کے دوستوں سے جومعلومات ملیں گی وہ ہم اس کے باپ کی گفتگوسے ملاکردیکھیں گے کہ کیاتصویرسامنے آتی ہے
ظفراقبال۔۔۔۔کیاوہ بچے وہ باتیں بتادیں گے کہیں وہ اپنے دوست کی طرح
مولوی صاحب۔۔۔۔وہ بچے ایسے نہیں ہیں جوبات ان کے علم میں ہوگی وہ ضروربتائیں گے
ظفراقبال۔۔۔۔آپ کوان پراتنایقین ہے
مولوی صاحب۔۔۔آپ بھی ایک وعدہ کریں
عبدالغفور۔۔۔۔۔کون ساوعدہ
مولوی صاحب۔۔۔۔سارے معاملے میں بچوں کانام نہ آئے
ظفراقبال۔۔۔۔۔ہم سمجھ گئے ہیں وہ ابھی تک آئے نہیں اس وقت تک توانہیں آجاناچاہیے تھا
٭٭٭٭٭٭٭٭٭
منظر۲۸۹
احمدبخش قرآن پاک کی تلاوت کرکے کمرے سے باہرآتاہے
صابراں۔۔۔۔تو اس کمرے میں چلاجا میں تیرے کمرے کی صفائی کردیتی ہوں
احمدبخش۔۔۔۔۔مجھے جھاڑو لادیں صفائی میں خودکرلوں گا
صابراں۔۔۔۔ہمارے ہوتے ہوئے ایسانہیں ہوسکتا
احمدبخش۔۔۔۔۔میں جس کمرے میں رہ رہاہوں اسی کوتوصاف کرناچاہتاہوں
صابراں۔۔۔۔۔ابوتجھے اس لیے نہیں لائے کہ تجھ سے گھرکے کام کرائیں
حمتاں آجاتی ہے اورپوچھتی ہے کیاباتیں ہورہی ہیں
صابراں۔۔۔۔میں نے اس سے کہا کہ تواس کمرے میں چلاجا میں تیرے کمرے میں جھاڑولگادوں یہ کہتاہے کمرے کی صفائی میں کردیتاہوں
رحمتاں۔۔۔۔۔نہیں بیٹا یہ تیراکام نہیں ہے
صابراں۔۔۔۔ابوبھی آنے والے ہیں
رحمتاں۔۔۔۔تیرے چچاکوپتہ چلاتووہ ہم سے ناراض ہوں گے
صابراں۔۔۔۔ابوناراض نہ بھی ہوں ہم اس سے کام نہیں کرائیں گی
رحمتاں۔۔۔۔صابراں سے۔۔۔۔۔تواس کے کمرے کی صفائی کردے اس کابستربھی اچھی طرح صاف کردینا
صابراں۔۔۔۔۔جی امی میں گھرکے اورکام اس کے بعدکروں گی
رحمتاں۔۔۔۔اس کی ماں بھی آنے والی ہوگی اس کے آنے سے پہلے صفائی ہوجائے
صابراں جھاڑولینے اوررحمتاں احمدبخش کولے کراورطرف چلی جاتی ہے
٭٭٭٭٭٭٭٭٭
منظر۲۹۰
بشیراحمدکریانہ کی دکان کے سامنے ریڑھی پرسامان لوڈ کررہاہے۔ ایک شخص اس کے ساتھ کھڑاہے۔
بشیراحمد۔۔۔۔اس شخص سے۔۔۔۔آپ کوجلدی تونہیں
وہ شخص۔۔۔۔۔جلدی توہے آپ کیوں پوچھ رہے ہیں
بشیراحمد۔۔۔۔۔آپ کوجلدی ہے توکوئی بات نہیں
وہ شخص۔۔۔۔آپ بتائیں
بشیراحمد۔۔۔۔آپ کاسامان توتھوڑاساہے آپ کی طرف کااورسامان مل جاتاتواچھاتھا
وہ شخص۔۔۔۔کچھ دیرانتظارکرنے سے آپ کی روزی میں اضافہ ہوتاہے توکچھ دیرانتظارکرلیتے ہیں
بشیراحمد۔۔۔۔آپ کوتو
وہ شخص۔۔۔۔۔اتنی بھی جلدی نہیں
اسی دوران بشیراحمدکی ریڑھی کے ساتھ ایک رکشہ آکررکتاہے ۔بشیراحمداوروہ شخص اس کی طرف کوئی توجہ نہیں دیتے۔
بشیراحمد۔۔۔۔اس شخص سے۔۔۔۔۔آپ اپناسامان چیک کرلیں کوئی چیزرہ نہ گئی ہو
اسی دوران عارف بشیراحمدکودونوں ہاتھوں سے سلام کرتاہے
بشیراحمد۔۔۔۔سلام کاجواب دینے کے بعد۔۔۔۔۔نوجوان میں نے آپ کوپہچانانہیں
عارف۔۔۔۔۔ہم نے ایک دوسرے کوصرف دیکھاہواہے تعارف نہیں ہوا
بشیراحمد۔۔۔۔۔تم مجھے کیسے جانتے ہو
عارف۔۔۔۔آپ کے بھتیجے کی طبعیت اب کیسی ہے اس نے کچھ بتایاکہ نہیں
وہ شخص دونوں کی گفتگوسن رہاہے
بشیراحمد۔۔۔۔آپ کویہ کیسے پتہ
عارف۔۔۔آپ کے بھتیجے کومیں ہی سکول سے رکشے پرگھرلے گیاتھا
بشیراحمد۔۔۔۔اس نے توکچھ نہیں بتایا
عارف۔۔۔۔مسئلہ حل ہواہے یانہیں
بشیراحمد۔۔۔۔ابھی تک توہم مسئلہ کوسمجھنے کی کوشش کررہے ہیں
عارف۔۔۔۔ابواورچچا چنددنوں میں آپ کے پاس آئیں گے
بشیراحمد۔۔۔۔تم بھی اس کے ساتھ آجانا
عارف۔۔۔۔۔میں وعدہ تونہیں کرتا
بشیراحمد۔۔۔۔۔گھرکارکشہ ہوتے ہوئے وہ کسی اورکے ساتھ تونہیں آئیں گے
عارف۔۔۔۔مجھے اجازت دیں میں سواریاں دیکھ لوں
عارف چلاجاتاہے
وہ شخص۔۔۔۔بشیراحمدسے۔۔۔۔۔یہ کیامعاملہ ہے
بشیراحمد۔۔۔راستے میں بتاؤں گا
٭٭٭٭٭٭٭٭٭
منظر۲۹۱
مولوی صاحب۔۔۔۔۔میں نے ان بچوں کوجب بھی بلایاہے وہ آئے ہیں آج بھی آجائیں گے
ظفراقبال۔۔۔۔آج کی بات اورہے
مولوی صاحب۔۔۔۔ہوسکتاہے ان کوچھٹی دیرسے ملی ہو
عبدالغفور۔۔۔۔بچوں کوآنے میں دیربھی ہوسکتی ہے
مولوی صاحب۔۔۔۔ہم نے انہیں چھپ کرآنے کوتونہیں کہا
ظفراقبال۔۔۔۔وہ دوبچے سائیکلوں پرآرہے ہیں کہیں یہ تونہیں
مولوی صاحب۔۔۔۔۔یہی ہیں وہ بچے
عبدالغفور۔۔۔۔اب تووہ آگئے ہیں
مولوی صاحب۔۔۔۔بچوں سے احتیاط سے بات کرنا وہ پریشان نہ ہوجائیں
ظفراقبال۔۔۔۔ہم دوست بن کربات کریں گے
اسی دوران عرفان اوراشرف بھی آجاتے ہیں۔ اپنی سائیکلیں کھڑی کرتے ہیں دونوں مولوی صاحب، عبدالغفوراورظفراقبال کواجتماعی سلام کرتے ہیں ۔تینوں شخصیات سلام کاجواب دیتی ہیں عرفان اوراشرف ادب سے کھڑے ہوجاتے ہیں
مولوی صاحب۔۔۔۔کرسیوں کی طرف اشارہ کرتے ہوئے۔۔۔۔بیٹھ جاؤ
دونوں بیٹھ جاتے ہیں
مولوی صاحب۔۔۔۔میں آپ سب کے لیے کچھ نہ کچھ لے کرآتاہوں
ظفراقبال۔۔۔اس تکلف کی ضرورت نہیں
مولوی صاحب۔۔۔۔۔میں توبچوں کے لیے جارہاہوں
اشرف۔۔۔۔استادجی یہ توہماری ذمہ داری تھی کہ ہم آپ کے لیے کچھ نہ کچھ لے آتے
مولوی صاحب ایک لڑکے کوآوازدے کربلاتے ہیں
عبدالغفور۔۔۔۔عرفان اوراشرف سے۔۔۔۔۔ہم تومولوی صاحب سے کہہ رہے تھے آپ لوگ نہیں آئیں گے
عرفان۔۔۔۔مولوی صاحب کاپیغام ملے اورہم نہ آئیں یہ کیسے ہوسکتاہے
٭٭٭٭٭٭٭٭٭
منظر۲۹۲
جاویدگھاس کی گٹھڑی لے کرگھرمیں آتاہے۔صابراں اوراس کی بہن جاویدکے سرسے گھاس کی گٹھڑی اتارنے میں مددکرتی ہیں۔جاویداپنے کپڑے
درست کرتاہے کپڑے سے اپنی گردن اوربازوصاف کرتاہے
صابراں۔۔۔۔اپنی بہن سے۔۔۔۔گٹھڑی کھول کرگھاس پھیلادو تاکہ ہوالگ جائے
جاویدگہری سانس لیتاہے
صابراں۔۔۔ابوپانی لے آؤں
جاوید۔۔۔۔ابھی نہیں مجھے یہ بتاؤ احمدبخش ابھی تک سورہاہے یا
صابراں۔۔۔۔۔اس نے ناشتہ بھی کرلیاہے اورنمازبھی پڑھ لی ہے اورقرآن پاک کی تلاوت بھی کرلی ہے
جاوید۔۔۔۔اس کی ماں آئی ہے یانہیں
صابراں ۔۔۔۔ابھی تک تونہیں آئیں
جاوید۔۔۔۔اﷲ خیرکرے
صابراں۔۔۔۔ان کے گھرمہمان آئے ہوئے تھے اس وقت وہ چلے گئے ہوں گے چچی آنے والی ہوگی
اسی دوران دروازے پردستک ہوتی ہے
صابراں۔۔۔۔مجھے لگتاہے چچی آگئی ہیں
صابراں۔۔۔۔اپنی بہن کوآوازدے کر۔۔۔۔دروازے پرجاؤ
جاوید۔۔۔۔احمدبخش نے کوئی بات بھی کی ہے یاخاموش ہے
صابراں۔۔۔۔وہ کہتاہے میں گھرجاتاہوں ابوبہت ماریں گے باربارگھرجانے کی بات کرتاہے
صابراں کی بہن دروازہ کھولتی ہے توسامنے راشدہ کھڑی ہے اس کے ہاتھوں میں ناشتہ کے سامان سے بھراہواتھال ہے اس میں ایک جگ اورگلاس

بھی ہے
٭٭٭٭٭٭٭٭٭
منظر۲۹۳
عبدالمجیدگھرکے صحن میں چارپائی پرسورہاہے۔ اس کے ساتھ ایک اورچارپائی رکھی ہوئی ہے۔عبدالمجیدکروٹ بدلتاہے وہ نیندسے توبیدارہوچکاہے لیکن آنکھیں ابھی تک بندکی ہوئی ہیں وہ اپناایک بازوچارپائی پرپھیرتے ہوئے آوازدیتاہے ۔عبدالرحیم کی ماں
راشدہ گھرمیں نہیں ہے اس لیے کوئی جواب نہیں آتا۔ عبدالمجیدبندآنکھوں کے ساتھ مکھیاں اڑانے کے اندازمیں دونوں ہاتھ ہلاتاہے اپناچہرہ ایک طرف سے دوسری طرف کرتاہے۔پھرآوازدیتاہے عبدالرحیم کی ماں چندسیکنڈ خاموش رہنے کے بعدپھرآوازدیتاہے کب سے آوازیں دے رہاہوں عبدالرحیم کی ماں جواب کیوں نہیں دے رہی ۔عبدالمجیداپنی آنکھیں کھول کرادھرادھردیکھتاہے تواسے کوئی دکھائی نہیں دیتا ۔بازؤں کے سہارے سے اٹھ کربیٹھ جاتاہے۔اورکہتاہے کہاں سورہی ہے یہ عورت نہ دکھائی دے رہی ہے نہ جواب دے رہی ہے۔چارپائی سے اترکرادھرادھردیکھتاہے۔ اسے کوئی دکھائی نہیں دیتا ۔چولھے کی طرف دیکھتاہے تواس کے ساتھ برتن رکھے ہوئے ہیں۔ آدھی جلی ہوئی لکڑیاں پڑی ہیں۔ چولھے میں گرم راکھ ہے۔ عبدالمجیدیہ سب دیکھ کہتاہے اچھا میں سویاہواتھا اوریہ عورت موقع دیکھ کرمزے مزے کے پکوان بناکرکھاگئی۔ کمروں کی طرف دیکھتاہے توتمام کمروں کے دروازے باہرسے بندہیں ۔اپنے آپ سے کہتاہے عبدالرحیم کی ماں کسی کمرے میں بھی نہیں ہے ،صحن میں بھی نہیں ہے کہاں چلی گئی ہے۔عبدالمجیدغصہ
میں آوازنکال کرکہتاہے۔ کہاں جائے گی کہاں جائے گی کبھی توواپس آئے گی پھراس کوبتاؤں گا شوہرکی آوازکاجواب نہ دینے کاانجام کیاہوتاہے۔ شوہرسویاہواہوتومن چاہے پکوان بناکرگھرسے غائب ہوجانے کی سزاکیاہوتی ہے۔
٭٭٭٭٭٭٭٭٭