|
|
| |
| براعظم افریقہ کو پراسراریت اور رازوں سے بھر پور سر
زیمن کے طور پر پہچانا جاتا ہے۔ آج جب کہ دنیا بہت ترقی کر چکی ہے افریقہ
کے کچھ علاقے ایسے بھی ہیں جو کہ اب بھی پتھروں کے دور کے انسانوں کی طرح
زندگی گزار رہے ہیں۔ ان کے لیے ان کی ثقافت ، رسم و رواج بہت اہمیت کے حامل
ہیں جن کو چھوڑنے کا وہ تصور بھی نہیں کر سکتے ہیں- |
| |
| تیرہ مہینوں کا ایک سال
|
| براعظم افریقہ کا ایک ملک ایتھوپیا ایسا بھی ہے جس کا
ایک سال بارہ مہینوں کے بجائے تیرہ مہینوں کا ہوتا ہے۔ اس وجہ سے دنیا کا
یہ ملک دنیا بھر کے کلینڈر سے سات سال آٹھ ماہ پیچھے رہ گیا ہے۔ |
| |
| پانچويں صدی میں کیتھولک چرچ نے حضرت عیسیٰ علیہ السلام
کی پیدائش کے اعداد و شمار میں کچھ تبدیلی کی تھی مگر ایتھوپین آرتھوڈوکس
نے اس تبدیلی کو قبول نہیں کیا تھا جس کی وجہ سے عیسوی سال کے آغاز کے
حوالے سے ان کے نقطہ نظر میں تبدیلی واقع ہو گئی- |
| |
|
|
| |
| اس وجہ سے ایتھوپیا میں عیسوی اعتبار سے نئے سال کا آغاز
11 ستمبر اور لیپ ائیر میں 12 ستمبر کو ہوتا ہے- اس کے علاوہ ایتھوپیا کے
سال کے اندر شروع کے 12 مہینوں میں تو 30 دن ہوتے ہیں مگر سال کا آخری
مہینہ 5 سے 6 دن کا ہوتا ہے- |
| |
| عام طور پر دنیا میں لیپ ائیر میں صرف ایک دن کا اضافہ
ہوتا ہے جب کہ ایتھوپیا میں لیپ ائیر میں 5 سے 6 دن کے ایک مہینے کا اضافہ
ہو جاتا ہے دنوں کے اس اضافے سے ایتھوپیا دنیا سے پیچھے رہ گیا ہے اور
پانچویں صدی عیسوی سے اب تک یہ اضافہ سات سال آٹھ مہینے ہو چکا ہے- |
| |
| اس کے علاوہ ایتھوپیا کے اندر جہاں ان کا کلینڈر دنیا سے
مختلف ہے وہیں پر ان کی گھڑیاں بھی مختلف ہیں دنیا بھر میں جہاں دن کا آغاز
12 بجے ہوتا ہے ایتھوپیا میں یہ آغاز 6 بجے کیا جاتا ہے اس وجہ سے ان کی
دوپہر اور آدھی رات مختلف ہوتی ہے- |
| |
|
|
| |
| افریقہ کے اسرار بھری سر زمین کے اندر یہ تو صرف ایک ملک
کی کہانی ہے ایسی بے تحاشا پراسرار کہانیوں سے افریقہ کی سرزمین بھری پڑی
ہے |