|
|
حال ہی میں بدھ کے روز راجن پور کی سیشن کورٹ میں اس وقت
انوکھے مناظر دیکھنے کو ملے جب گزشتہ کئی دہائیوں سے عدالت میں تعینات مالی
کو اس کی ملازمت کے آخری دن پورے اعزاز کے ساتھ رخصت کیا گیا- |
|
بی بی سی کے مطابق مالی عبدالخالق راجن کی سیشن کورٹ میں گزشتہ 36 سالوں سے
اپنی خدمات سرانجام دے رہے تھے- اور اب ریٹائرمنٹ کے اہم موقع پر جج محمد
ابراہیم اصغر نے مالی عبدالخالق کو پورے اعزاز کے ساتھ رخصت کیا۔ |
|
|
|
عبدالخالق کو اس الوداعی تقریب میں جج کی گاڑی میں ان کے
سیکورٹی سکواڈ کے ساتھ گھر کے لیے رخصت کیا گیا ہوئی جبکہ اس موقع پر
عدالتی عملے نے انھیں تالیاں بجا کر خراج تحسین بھی پیش کیا۔ |
|
عدالتی اہلکاروں نے باقاعدہ ایک قطار میں کھڑے ہو کر اور
تالیاں بجا کر مالی عبدالخالق کو الوداع کہا اور یقیناً اس منظر کو دیکھ
ایسا لگتا تھا کہ جیسے کسی وی آئی پی شخصیت کا استقبال کیا جارہا ہو- اور
اس میں کوئی شک نہیں ہر انسان کسی نہ کسی موقع وی آئی پی کی حیثیت ضرور
رکھتا ہے- |
|
|
|
مالی عبدالخالق کی ملازمت کے آخری دن ان کے اعزاز میں
ایک پروقار تقریب منعقد کی گئی جس میں انہیں جج محمد ابراہیم اصغر نے
گلدستہ بھی پیش کیا- |
|
اس کے بعد انہوں نے مالی عبدالخالق کو نہ صرف اپنی گاڑی
اور اسکواڈ کے ساتھ رخصت کیا بلکہ گاڑی میں بیٹھتے ہوئے جج نے خود باہر آکر
عبدالخالق کو سیلوٹ بھی پیش کیا- یوں عبدالخالق کی ریٹائرمنٹ کا دن ہمیشہ
کے لیے یادگار بن گیا- |
|
|