|
|
اس برس کا بہترین اوشیئن یا بحری فوٹوگرافر کا انعام
ایمی جان نے اپنی اس تصویر کے لیے جیتا ہے جس میں ایک سبز سمندری کچھوا
گلاس فِش کے جھرمٹ میں گھرا ہوا نظر آ رہا ہے۔ یہ تصویر مغربی آسٹریلیا کی
نِنگالوُ ریف میں لی گئی تھی۔ |
|
اوشینوگرافک میگزین کے زیر اہمتام منعقد ہونے والے اس
مقابلے کا مقصد سمندر حسن اور اسے لاحق خطرات کو اجاگر کرنا ہے۔ |
|
|
|
دوسرے نمبر پر ہینلی سپیئرز کی تصویر رہی جس میں سکاٹ
لینڈ کے شیٹلینڈ آئلینڈز میں گانٹ یا قازِ سفید (بڑی جسامت والا سفید بحری
پرندہ) سمندر میں غوطہ زن ہیں۔ |
|
|
|
تیسرا انعام میٹی سمِتھ نے کی تصویر کو ملا جس میں ہاکس
بِل نامی کچھوے کا بچہ پہلی مرتبہ سمندر کی طرف جاتے ہوئے دیکھا جا سکتا ہے۔ |
|
|
|
فیمیل ففٹی فینتھمز ایوارڈ لاس انجلس کی فوٹوگرافر اور
بایولوجی کی ٹیچر رینی کوپوزولا نے جیتا۔ یہ انعامات کی نئی کیٹیگری ہے جو
ولولے سے بھرپور خواتین کی حوصلہ افزائی کے لیے متعارف کروائی گئی ہے۔
انھیں یہ انعام ان کے پورٹفولیو کے لیے دیا گیا ہے جس کی ایک تصویر میں
بلیک ٹِپ ریف شارک کی پشت پر موجود فِن فرنچ پولینیسیا میں ڈوبتے سورج کے
ساتھ ایک لائن میں نظر آ رہا ہے۔ |
|
ینگ اوشیئن فوٹوگرافر آف دا اِیئر ایوارڈ ہنّا لی لیو نے
اس تصویر کے لیے جیتا جس میں آسٹریلیا کے ہیرن آئی لینڈ کے شکاری پرندوں سے
بھرے ہوئے آسمان تلے سبز سمندری کچھوے کا ایک بچہ سانس لینے کے لیے سمندر
کی سطح پر آ رہا ہے۔ |
|
|
|
لندن میں دریائے ٹیمز پر بنے ٹاور برِج کے ساتھ لگی
نمائش 17 اکتوبر 2021 تک کھلی رہے گی۔ |
|
Partner Content: BBC Urdu |